నాగబాబు కి డబుల్ ఇస్తున్నారా?

జబర్దస్త్ నుండి మెల్లగా బయటి కెళ్ళిపోయి.. జీ తెలుగులో రెండు షోస్ కి జడ్జ్ గా మారిన నాగబాబు జబర్దస్త్ వలన నష్టపోయింది, కలిసొచ్చిన విషయాలను వీడియోస్ రూపంలో ఏకరువు పెట్టాడు. తనని ఆపదలో ఉన్నప్పుడు మల్లెమాల టీం ఆర్ధికంగా ఆదుకున్నదని చెబుతూనే.. తన స్థాయికి తగిన పారితోషికం కాకపోయినప్పటికీ… జబర్దస్త్ కామెడీ షోలో జడ్జ్ గా పని చేశానని చెప్పడమే కాదు.. క్రియేటివిటీని మల్లెమాల టీం ప్రోత్సహించకుండా తొక్కేస్తున్నారని మల్లెమాల టీంని మాములుగా విమర్శించలేదు నాగబాబు. అయితే నాగబాబు జబర్దస్త్ లో పారితోషికం కారణంగానే షో నుంచి మానేశాడనే ప్రచారానికి నాగబాబు అడ్డుకట్ట వేస్తున్న అనుకుని.. తనకి తగిన పారితోషకం మల్లెమాల టీం ఇవ్వలేదంటూ దొరికిపోయాడు. అయితే జబర్దస్త్ లో నాగబాబుకు నెలలో జరిగే నాలుగైదు ఎపిసోడ్స్ కి కలిపి 15 లక్షలు పారితోషకం ఇచ్చేవారని అన్నారు.

ఇక జీ తెలుగులో అదిరింది కి జేడ్జ్ గా చేస్తున్నందుకుగాను జీ తెలుగు వారు నాగబాబుకు ఈటీవీలో వచ్చిన దానికన్నా డబుల్ పేమెంట్ ఇస్తున్నారని అంటే… ఈటీవీలో జడ్జ్ గా చేసినప్పుడు 15 లక్షలు వస్తే.. ఇప్పుడు దానికి డబుల్ జీ ఛానల్ కి 30 లక్షల చొప్పున నాగబాబు పారితోషకం అందుకుంటున్నాడనే టాక్ వినబడుతుంది. మరి జబర్దస్త్ నుండి వచ్చేసిన నాగబాబు లోకల్ గ్యాంగ్స్ కి జేడ్జ్ గా చేస్తున్నాడు. మరి ఇక్కడ ఎంత పారితోషకం అంటే తన స్థాయికి తగిన పారితోషకం అందుకుంటున్నాడో లేదో అనే దానిపై పెద్ద చర్చే నడిచింది. తాజాగా నాగబాబు జీ ఛానల్ నుండి నెలకి 30 లక్షలు పారితోషకం కింద అందుకుంటున్నాడనే టాక్ వినబడుతుంది.