శ్రీకాంత్ అడ్డాల కి హీరో నాని

శ్రీకాంత్ అడ్డాల ‘బ్రహ్మోత్సవం’ దెబ్బకి రెండు సంవత్సరాల పాటు సినిమాలకు దూరంగా ఉన్నాడు. కొంచం విరామం తీసుకుని మళ్లీ వార్తల్లోకి ఎక్కారు. ప్రముఖ నిర్మాణ సంస్థ గీత ఆర్ట్స్ లో శ్రీకాంత్ ఎప్పటినుండో ఒక స్క్రిప్ట్ పై పని చేస్తున్నారు. రీసెంట్ గా ఫుల్ బౌండ్ స్క్రిప్ట్ రెడీ అవ్వడంతో హీరోని వెతుక్కునే పనిలో పడ్డారు. ఇప్పటికే ఈసినిమాలో హీరో గురించి బోలెడు పుకార్లు బయటికి వచ్చాయి. తాజాగా ఇప్పుడు మరో పేరు వచ్చింది.

ఫిలింనగర్ సమాచారం ప్రకారం ‘జెర్సీ’ సినిమాతో హిట్ అందుకున్న నాచురల్ స్టార్ నాని శ్రీకాంత్ అడ్డాల దర్శకత్వంలో ఒక సినిమా చేయబోతున్నట్లు తెలుస్తోంది. రీసెంట్ గా శ్రీకాంత్ వెళ్లి నానికి కథ చెప్పి ఇంప్రెస్స్ చేసాడట. గీత ఆర్ట్స్ లో నిర్మితం అవుతున్న సినిమా కావడంతో నాని వెంటనే ఓకే చెప్పాడని టాక్. నానికి గీత లో ‘భలే భలే మగాడివోయ్’ చేసిన అనుభవం ఉంది. ఇది పక్క ఫ్యామిలీ ఎంటర్ టైనర్ అని సమాచారం. ఇది కూడా సంక్రాంతి కి వచ్చే అవకాశముంది నిర్మాతలు అంటున్నారు. సెప్టెంబర్ లో షూట్ స్టార్ట్ అయ్యే అవకాశముంది. నాని ప్రస్తుతం విక్రమ్ కుమార్ మూవీతో పాటు మోహన్ కృష్ణ ఇంద్రగంటి తో వర్క్ చేస్తున్నాడు. ఈ రెండు మూవీస్ తరువాత శ్రీకాంత్ తో సినిమా చేస్తాడు. మరి ఈ చిత్రం తో అన్న శ్రీకాంత్ అడ్డాల హిట్ అందుకుంటాడో లేదో చూడాలి.