హీరోయిన్స్ కి డేట్స్ కష్టాలు!!

కరోనా లాక్ డౌన్ అందరిని ఎంత ముంచిందో కానీ.. హీరోయిన్స్ ని బాగా ముంచేసింది. కరోనా కారణంగా వాయిదా పడిన షూటింగ్స్, వాయిదా పడిన సినిమాల ఓపెనింగ్స్ అన్ని మెల్లి మెల్లిగా స్టార్ట్ అయ్యాయి. అన్ని సినిమాలు ఒకేసారి పట్టాలెక్కేస్తున్నాయి. హీరోలంటే ఒక్కో సినిమా చేస్తారు కాబట్టి వాళ్ళకి ఎలాంటి డేట్స్ ప్రోబ్లెంస్ రావు. కానీ హీరోయిన్స్ కి మాత్రం డేట్స్ కష్టాలు మాములుగా లేవు. మీడియంరేంజ్, టాప్ రేంజ్ హీరోయిన్స్ చేతుల్లో ఒకటి రెండు సినిమాలున్నాయి. కానీ ఇప్పుడు కరోనా కారణంగా అన్ని సినిమాలు ఒకేసారి సెట్స్ మీదకి రావడంతో హీరోయిన్స్ తిప్పలు మాములుగా లేవు. కరోనా కారణంగా ఆరు నెలల టైం వేస్ట్ అవడంతో.. దర్శకనిర్మాతలు ఎంత త్వరగా వీలయితే అంట త్వరగా సినిమాల షూటింగ్స్ ఫినిష్ చేస్తున్నారు.

ఇక తాజాగా హీరోయిన్స్ డేట్స్ ప్రాబ్లెమ్ లో ఇప్పుడు నివేద పేతురేజ్ చిక్కుకుంది. బ్రోచేవారెవరురా, చిత్రలహరి సినిమాల్తో పాటుగా అలా వైకుంఠపురములో సుశాంత్ అత్త కూతురిగా మెరిసిన నివేద పేతురేజ్ మెగా హీరో సాయి ధరమ్ తేజ్ – దేవాకట్టా కాంబోలో తెరకెక్కనున్న సినిమాలో హీరోయిన్ గా ఎంపికైంది. అయితే షూటింగ్ మొదలు పెట్టనున్న తరుణంలో ఇప్పుడు డేట్స్ అడ్జెస్ట్మెంట్ చెయ్యలేక సాయి ధరమ్ తేజ్ సినిమా నుండి నివేద పేతురేజ్ తప్పుకోవడంతో హీరో, దర్శకుడు తమిళ నటి ఐశ్వర్య రాజేష్ ని తమ సినిమా కోసం ఎంపిక చేసినట్టుగా టాక్. మరి అరా కోర సినిమాలతో ఉన్న నివేద పేతురేజ్ కి కరోనా లాక్ డౌన్ మాములు షాకివ్వలేదుగా అంటున్నారు.