ఎన్టీఆర్ ఫాన్స్ దానితో సరిపెట్టుకోవాల్సిందే!!

మరో వారం రోజుల్లో ఎన్టీఆర్ పుట్టిన రోజు. ఈ రోజు కోసం ఎన్టీఆర్ ఫాన్స్ ఏడాదిగా ఎదురు చూస్తూనే ఉన్నారు. అందులో ఎన్టీఆర్ పాన్ ఇండియా మూవీ RRR చెయ్యడంతో.. ఎన్టీఆర్ అభిమానులు ఎన్టీఆర్ బర్త్ డే రోజున స్పెషల్ గిఫ్ట్ కోసం తెగ వెయిట్ చేస్తున్నారు. అయితే తాజా పరిస్థితుల్లో ఎన్టీఆర్ ఫాన్స్ కి కేవలం RRR ఎన్టీఆర్ స్పెషల్ వీడియోతోనే సరిపెట్టుకోవాల్సిన పరిస్థితి పరిస్థి వచ్చేలా ఉంది. ఎందుకంటే కరోనా లాక్ డౌన్ మూడు దఫాలుగా పెంచుకుంటూ పోతున్న మోడీ ప్రభుత్వం… మరోసారి లాక్ డౌన్ పొడిగించేలా కనబడుతుంది. నాలుగో దఫా లాక్ డౌన్ పెంచితే అది మే నెలాఖరు వరకు ఉండడం ఖాయమే.

అయితే రాజమౌళి ఎన్టీఆర్ ఫాన్స్ కోసం ఏదో ఒకటి చేసి స్పెషల్ వీడియో అయితే వదులుతాడు కానీ… ఎన్టీఆర్ ఫాన్స్ మాత్రం ఎన్టీఆర్ పుట్టిన రోజు వేడుకలు ఘనంగా జరపడానికి లేదు. గత ఏడాది హరికృష్ణ మరణంతో ఎన్టీఆర్ పుట్టిన రోజు వేడుకలు రద్దు చేసుకున్నాడు. ఈఏడాదైనా ఎన్టీఆర్ పుట్టిన రోజు మోత మోగిపోవాలని ఎన్టీఆర్ ఫాన్స్ డిసైడ్ అయ్యారు. కానీ కరోనా అడ్డం పడేలా ఉంది. ఎన్టీఆర్ కూడా తన పుట్టిన రోజు వేడుకలు తిరస్కరించడమే కాదు.. ఫాన్స్ ని ఉద్దేశించి తన పుట్టిన రోజు సందర్భంగా వేడుకల పేరుతో అభిమానులెవరూ ఎలాంటి హడావిడి చేయవద్దనీ, లాక్ డౌన్ నిబంధనలను పాటిస్తూ ఆరోగ్యాన్ని కాపాడుకోమని ఆయన వీడియో సందేశాన్ని వదలనున్నట్టు ప్రచారం అయితే జోరుగా జరుగుతుంది.