సూపర్ స్టార్ – మెగా స్టార్ ల క్రేజ్ వాడేస్తాడా?

రాజమౌళి #RRR ని పాన్ ఇండియా మూవీ గా తెరకెక్కిస్తున్నాడు. అయితే ఎన్టీఆర్, రామ్ చరణ్ లను హీరోలుగా పెట్టి తెరకెక్కిస్తున్న ఈ సినిమా ఇండియా వైడ్ గా క్రేజ్ సంపాదించాలని, పలు భాష నటులను #RRR కోసం తీసుకున్నాడు రాజమౌళి. ఈ సినిమాకి పాన్ ఇండియా అప్పీల్ కోసం రాజమౌళి స్పెషల్ గా ఏం చెయ్యకపోయినా.. #RRR కి పిచ్చ క్రేజ్ వచ్చేస్తుంది. ఎందుకంటే రాజమౌళి బాహుబలి ఎఫెక్ట్ ఇప్పట్లో పోదు కాబట్టి. అయినా రాజమౌళి RRR కోసం పబ్లిసిటి చెయ్యడానికి రెడీ అవుతున్నాడు. అందుకే ఇప్పుడు తెలుగు, తమిళ, హిందీ ఇతర భాషల సూపర్ స్టార్స్ అందరిని ఒక్కొక్కరిగా లైన్ లో పెట్టుకుంటున్నాడనే టాక్ వినబడుతుంది.

తెలుగులో #RRR కోసం సూపర్ స్టార్ మహేష్ ని రంగంలోకి దింపుతున్నాడనే న్యూస్ నడుస్తుంది. అలాగే హిందీ నుండి మెగా స్టార్ అమితాబ్ ని, తమిళం నుండి రజినీకాంత్ ని, మలయాళం నుండి మోహన్ లాల్ ను #RRR కోసం రంగంలోకి దింపాలని యోచనలో రాజమౌళి ఉన్నాడట. అయితే వాళ్ళ చేత ప్రమోషన్స్ చేయించకుండా జస్ట్ #RRR కోసం వాయిస్ ఓవర్ చెప్పించాలని జక్కన చూస్తున్నాడట. తొమ్మిది భాషల్లో విడుదలకు సిద్ధం చేస్తున్న #RRR కోసం తొమ్మిది భాషల సూపర్ స్టార్స్ ని తమ సినిమా కోసం వాయిస్ ఓవర్ చెప్పించడానికి జక్కన్న ఏర్పాట్లు చేస్తున్నాడట. మరి #RRR అప్ డేట్స్ విషయంలో జక్కన చాలా స్లో గ ఉన్నాడు. మరోపక్క #RRR విడుదలపై ఇంకా క్లారిటీ లేదు.