సైమా అవార్డుల విజేతలు వీరే

సౌత్‌ ఇండియన్‌ ఇంటర్నేషనల్‌ మూవీ అవార్డ్స్‌ (సైమా) - 2023 వేడుక దుబాయిలో జరిగింది. ఈ వేడుక తొలి రోజు తెలుగు, కన్నడ చిత్ర పరిశ్రమలకు సంబంధించిన నటీనటులు హాజరయ్యారు. 2023 సంవత్సరానికి గానూ ఉత్తమ నటుడిగా ఎన్టీఆర్‌ అవార్డు అందుకున్నారు. ‘RRR’లో ఆయన నటనకు గానూ అవార్డు వరించింది. ‘ధమకా’లో నటనకు శ్రీలీల ఉత్తమ నటిగా అవార్డును సొంతం చేసుకుంది. ఉత్తమ దర్శకుడిగా రాజమౌళి, ఉత్తమ చిత్రంగా సీతారామం ఎంపికయ్యాయి. మృణాల్ ఠాకూర్ కు ఉత్తమ పరిచయ నటి అవార్డు దక్కింది. ఉత్తమ సహాయ నటుడు అవార్డు దగ్గుబాటి రానాకు దక్కింది. భీమ్లా నాయక్ సినిమాకు గానూ రానాకు ఈ అవార్డు దక్కడం విశేషం. ఇక కొత్త దర్శకుడుగా సత్తా చాటిన బింబిసార దర్శకుడు వశిష్టకు అవార్డు దక్కడం విశేషం.