భారత్ కు వచ్చిన హాలీవుడ్ నటి

ప్రముఖ హాలీవుడ్ నటి పారిస్ హిల్టన్ భారత్ కు వచ్చింది. అక్టోబర్ 19, బుధవారం నాడు ఆమె ముంబైకి చేరుకున్నారు. నలుపు రంగు దుస్తులతో ఆమె విమానాశ్రయం నుండి బయటకు వచ్చింది. నటి వీడియోలు, ఫోటోలు ఇప్పుడు సోషల్ మీడియాలో వైరల్ అవుతున్నాయి. పారిస్ హిల్టన్ భారతదేశానికి రావడం ఇది నాలుగోసారి. ఈసారి ఆమె తన కొత్త వెంచర్‌ను ప్రారంభించడానికి వచ్చింది. హిల్టన్ అభిమానులు ముంబై విమానాశ్రయంలో ఆమెకు పూల బొకేలతో స్వాగతం పలికారు. ఆమెతో సెల్ఫీలు దిగారు. ప్యారిస్ హిల్టన్ తన అభిమానులతో మాట్లాడడమే కాకుండా.. ఫోటోగ్రాఫర్ల కోసం పోజులివ్వడం చూడవచ్చు. ఆమె హిల్టన్ హోటల్స్ యాజమాన్యంలో ఒకరనే సంగతి తెలిసిందే. అంతేకాకుండా ఆమె భారత్ లో తన పెర్ఫ్యూమ్ లాంచ్ కోసం వచ్చిందని కూడా అంటున్నారు.