Bro Movie : ఓటీటీ డేట్ ఫిక్స్ చేసుకున్న పవన్ కళ్యాణ్ 'బ్రో'.. ఎక్కడ, ఎప్పుడో తెలుసా..?

Bro Movie : పవర్ స్టార్ పవన్ కళ్యాణ్ (Pawan Kalyan), సాయి ధరమ్ తేజ్ (Sai Dharam Tej) కాంబినేషన్ లో తెరకెక్కిన మెగా మల్టీస్టారర్ చిత్రం 'బ్రో'. సోషియో ఫాంటసీ నేపథ్యంతో తెరకెక్కిన ఈ సినిమా జులై 28న ఆడియన్స్ ముందుకు వచ్చి మంచి విజయం సాధించింది. పీపుల్ మీడియా ఫ్యాక్టరీ నిర్మించిన ఈ చిత్రం బాక్స్ ఆఫీస్ వద్ద 110 కోట్ల వరకు కలెక్షన్స్ అందుకుంది. వింటేజ్ పవన్ కళ్యాణ్ ని చూపిస్తూ.. తన పాత సినిమాల సాంగ్స్ ని బ్రో మూవీ సన్నివేశాల్లో ఉపయోగించిన తీరు ఆడియన్స్ ని బాగా అలరించింది.

థియేటర్స్ లో ఈ వింటేజ్ మార్క్ ని బాగా ఎంజాయ్ చేసిన ప్రేక్షకులు.. ఓటీటీకి వస్తే మరోసారి చూసి ఎంజాయ్ చేయాలనీ ఎంతో ఆశగా ఎదురు చూస్తున్నారు. తాజాగా బ్రో ఓటీటీలోకి అడుగు పెట్టేందుకు తన టైం ఫిక్స్ చేసుకున్నాడు. ఆగష్టు 25 నుంచి ఈ సినిమా ఓటీటీలో అందుబాటులోకి రాబోతుంది. నెట్‌ఫ్లిక్స్ లో ఈ సినిమా తెలుగు, తమిళ్, కన్నడ, మలయాళ, హిందీ భాషల్లో స్ట్రీమ్ అవ్వనుంది. మరి వెండితెర పై మామాఅల్లుళ్లు కలిసి చేసిన అల్లరిని బుల్లితెరపై మరోసారి చూసి ఎంజాయ్ చేసేయండి.

కాగా ఈ చిత్రం తమిళ్ హిట్ మూవీ 'వినోదయ సిత్తం' కి రీమేక్ గా వచ్చింది. ఈ మూవీలో పవన్ టైం అనే దేవుడి పాత్రలో కనిపించాడు. మెకానికల్ లైఫ్ అండ్ హ్యూమన్ ఎమోషన్స్ కాన్సెప్ట్ తో తెరకెక్కిన ఈ చిత్రం ఫ్యామిలీ ఆడియన్స్ ని బాగా ఆకట్టుకుంది. ఈ సినిమాలో సాయి ధరమ్ తేజ్ కి జోడిగా కేతిక శర్మ నటించింది. ప్రియా ప్రకాష్ వారియర్ చెల్లి పాత్రలో కనిపించింది. తమిళంలో వినోదయ సిత్తం తెరకెక్కించిన సముద్రఖనినే ఈ రీమేక్ ని కూడా డైరెక్ట్ చేశాడు. తెలుగు వెర్షన్ కి త్రివిక్రమ్ మాటలు, స్క్రీన్ ప్లే రాశాడు. థమన్ సంగీతం అందించాడు.