ఇలాంటి ఫ్యాన్స్ తోనే కదా పవన్ కళ్యాణ్ కు చెడ్డపేరు

సినిమా విడుదలైనప్పుడు అభిమానులు చేసే హంగామా అంతా ఇంతా కాదు. అయితే అది ఒక లిమిట్ వరకూ ఉండాలి. శృతి మించితే ఊహించని పరిణామాలు ఎదుర్కోక తప్పదు. ఇప్పుడు అలాంటి ఘటన హైదరాబాద్ లోని అలంకార్ థియేటర్ లో జరిగింది. బీర్ బాటిళ్లతో లంగర్ హౌస్ లోని థియేటర్లోకి వచ్చి, మద్యం తాగుతూ సీసాలు పగలకొట్టి హాల్ చల్ చేశారు. అనంతరం వారిలో వారు గొడవపడి బీర్ బాటిల్ తో పరస్పరం కొట్టుకోవడంతో పాటు ఆ గొడవని ఆపడానికి వచ్చిన థియేటర్ సిబ్బందిపై దాడి చేశారు. దీంతో థియేటర్ సిబ్బంది పోలీసులకు సమాచారం ఇచ్చింది. పోలీసులు అక్కడికి వచ్చి మద్యం తాగి థియేటర్లో గొడవ చేసిన ఆ యువకులను అదుపులోకి తీసుకున్నారు. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. ఇలాంటి అతి చేసే ఫ్యాన్స్ కారణంగానే పవన్ కళ్యాణ్ కు చెడ్డ పేరు అంటూ విమర్శిస్తూ ఉన్నారు. ఇక థియేటర్ లోకి మద్యాన్ని థియేటర్ సిబ్బంది ఎలా పంపించిందో..!