ప్రభాస్ – నాగ్ అశ్విన్ ఏం చెయ్యబోతున్నారు!!

ప్రభాస్ ప్రస్తుతం రాధాకృష్ణ తో రాధే శ్యాం మూవీ చేస్తున్నాడు. పూజ హెగ్డే హీరోయిన్ గా తెరకెక్కుతున్న రాధేశ్యాం మూవీ ఫస్ట్ లుక్ ఈమధ్యనే విడుదలై సినిమాపై అంచనాలు పెంచేసింది. అయితే ప్రభాస్ ఈ సినిమా తర్వాత నాగ్ అశ్విన్ దర్శకుడిగా పాన్ ఇండియా మూవీ చెయ్యబోతున్నాడు. ఈ సినిమా ఈ ఏడాదే పట్టాలెక్కల్సి ఉండగా.. కరోనా తో రాధే శ్యాం సినిమా షూటింగ్ వాయిదా పడడంతో.. నాగ్ అశ్విన్ సినిమా వచ్చే ఏడాదికి గాని పట్టాలెక్కే ఛాన్స్ లేదు. అయితే ప్రభాస్ – నాగ్ అశ్విన్ సినిమాలో బాలీవుడ్ భామ దీపికా పదుకొనేని హీరోయిన్ గా సంప్రదిస్తున్నారని.. అలాగే ఈ సినిమా సైన్స్ ఫిక్ష‌న్ బ్యాగ్డ్రాప్ లో తెరకెక్కుతోందని ప్రచారం జరుగుతుంది.

తాజాగా నాగ్ అశ్విన్ – ప్రభాస్ సినిమాపై మరో న్యూస్ సోషల్ మీడియాలో చక్కర్లు కొడుతోంది. ఈ సినిమాలో ప్రభాస్ రెండు పాత్రల్లో అంటే ద్విపాత్రాభినయం చేయబోతున్నాడని.. ఒకేసారి రెండు విభిన్న‌మైన కాలాల‌లో జ‌రిగే క‌థ గా ఈ సినిమా తెరకెక్కుతుంది అని… అలాగే ప్రభాస్ పోషించే ఆ రెండు పాత్ర‌లూ పురాణ పురుషుల్ని పోలి ఉంటాయ‌ని తెలుస్తోంది. అయితే నాగ్ అశ్విన్ ఈ రెండు క‌థ‌ల్ని, రెండు పాత్ర‌ల్నీ ఎలా క‌లిపాడ‌న్న‌ది ఈ సినిమాలోఆస‌క్తికరంగా ఉంటుంద‌ట. అయితే ఈ సినిమా కోసం భారీ సెట్స్ నిర్మాణం చేపట్టాలని, ఇప్పటికే నాగ్ అశ్విన్ సెట్స్ కి సంబందించిన ఆర్ట్స్ ని ఆర్ట్ దర్శకుడికి అప్పజెప్పాడని అంటున్నారు. నాగ్ అశ్విన్ కరోనా టైం ని ప్రభాస్ తో చెయ్యబోయే సినిమా కోసం వినియోగిస్తున్నాడని టాక్.