ప్రభాస్ సలార్ ఆ రికార్డు సృష్టిస్తుంది..?

బాహుబలి స్టార్ ప్రభాస్ (Prabhas), కేజీఎఫ్ దర్శకుడు ప్రశాంత్ నీల్ (Prashanth Neel) కాంబినేషన్ లో తెరకెక్కుతున్న మోస్ట్ హైప్‌డ్ మూవీ 'సలార్' (Salaar). రెండు భాగాలుగా రాబోతున్న ఈ మూవీ ఫస్ట్ పార్ట్ ‘Ceasefire’ వచ్చే నెల సెప్టెంబర్ 28న ఆడియన్స్ ముందుకు రాబోతుంది. ప్రస్తుతం ఈ చిత్రం పోస్ట్ ప్రొడక్షన్ వర్క్స్ జరుగుతున్నాయి. తాజాగా హీరోయిన్ శృతిహాసన్ (Shruti Haasan) తన డబ్బింగ్ పూర్తి చేసినట్లు సోషల్ మీడియా ద్వారా తెలియజేసింది.

ఇది ఇలా ఉంటే, ఈ మూవీకి సంబంధించిన ఒక విషయం నెట్టింట హాట్ టాపిక్ అయ్యింది. అదేంటంటే.. అమెరికాలో ఈ మూవీ అడ్వాన్స్ బుకింగ్స్ ఓపెన్ చేశారు. టీజర్ తో భారీ హైప్ క్రియేట్ అవ్వడంతో బుకింగ్స్ ఓపెన్ అవ్వడమే టికెట్లు రికార్డు స్థాయిలో బుక్ అయ్యిపోయాయి. ఇప్పటివరకు అయిన బుకింగ్స్ మూవీ $300K (మూడు వందల వేలు డాలర్స్) రాబట్టింది. రిలీజ్ కి ఇంకో నెల సమయం ఉంది. ఈలోపు ట్రైలర్ కూడా వస్తుంది. దీంతో ఈ చిత్రం కేవలం ప్రీ బుకింగ్స్ తోనే $1M (ఒక మిలియన్ డాలర్స్) రాబట్టినా ఆశ్చర్యపోనక్కర్లేదు అంటున్నారు సినిమా విశ్లేషకులు.