ఇప్పటికి సాహోనే నెంబర్ 1

మరో ఎనిమిది రోజుల్లో యంగ్ రెబల్ స్టార్ ప్రభాస్ నటించిన యాక్షన్ థ్రిల్లర్ సాహో రిలీజ్ అవుతుంది. దాదాపు 350 కోట్లు బడ్జెట్ తో తెరకెక్కిన ఈమూవీ పై అంచనాలు అయితే మాములుగా లేవు. సాహో నుండి వచ్చినా టీజర్ అండ్ ట్రైలర్ ప్రేక్షకులని విపరీతంగా ఆకట్టుకుంది. మొదట నుండి ఈసినిమా విషయంలో అంచనాలు ఏమాత్రం తగ్గలేదు. అయితే సోషల్ మీడియా వాడకం ఎక్కువయ్యిన తర్వాత తమ అభిమాన హీరోకు సంబంధించిన ప్రతీ ఒక్క అంశాన్ని అభిమానులు ప్రతిష్టాత్మకంగా తీసుకుంటారు.

సాహో ప్రస్తుతం నెంబర్ వన్ స్తానం లో ఉంది. సాహో ట్రైలర్ కంటే టీజర్ తో ప్రకంపనలు రేపిన సంగతి అందరికి తెలిసిందే. ఈ టీజర్ కి మంచి రెస్పాన్స్ రావడమే కాదు 24 గంటలు పూర్తయ్యే సరికి ఒక్క తెలుగు వెర్షన్ లోనే మొత్తం 4 లక్షల 55వేలు లైక్స్ సంపాదించుకుంది. ఇప్పటివరకు ఏ మూవీ టీజర్ కూడా ఇటువంటి రికార్డు నమోదు చేయలేదు. ప్రస్తుతానికి నెంబర్ వన్ అయితే సాహోనే ఉందని అభిమానులు సోషల్ మీడియాలో ఆనందం వ్యక్తం చేస్తున్నారు.ఇక ఈమూవీని యంగ్ డైరెక్టర్ సుజీత్ రూపొందించాడు