‘ఇస్మార్ట్ శంకర్’ షురూ

ఎనర్జిటిక్ హీరో రామ్ పోతినేని, డైరెక్టర్ పూరీ జగన్నాధ్ కలయికలో వస్తున్న తొలి చిత్రం ఇవాళ అధికారికంగా ప్రారంభమయ్యింది. ‘ఇస్మార్ట్ శంకర్’ అనే టైటిల్ తో రూపుదిద్దుకుంటున్న ఈ చిత్రానికి హీరోయిన్ ఛార్మీ కౌర్ క్లాప్ కొట్టగా, చిత్ర తొలి షాట్ ని హీరోపై తెరకెక్కించారు. స్రవంతి రవికిశోర్ కెమెరా స్విచాన్ చేశారు. ఈ సినిమాలో రామ్ సరికొత్త లుక్ లో కనిపించనుండగా రేపటి నుంచి రెగ్యులర్ షూటింగ్ ప్రారంభం కానుంది. యాక్షన్ ఎంటర్ టైనర్ గా తెరకెక్కుతున్న ఈ సినిమాకి మణిశర్మ సంగీతం సమకూరుస్తుండగా, రాజ్ తోట సినిమాటోగ్రఫీ అందిస్తున్నారు. ఈ సినిమా లో పునీత్ ఇస్సార్, సత్య దేవ్, మిలింద్ గునాజి, ఆశిష్ విద్యార్థి మరియు గెటప్ శ్రీను ఇతర పాత్రల్లో నటిస్తున్నారు. పూరీ జగన్నాధ్ టూరింగ్ టాకీస్, పూరీ కనెక్ట్స్ పతాకాలపై పూరీ జగన్నాధ్, ఛార్మి సంయుక్తంగా నిర్మిస్తున్న ఈ సినిమా ని మేలో విడుదల చేసేందుకు సన్నాహాలు చేస్తున్నారు.