మూవీ న్యూస్

హాలీవుడ్ కి రాజమౌళి.. బియాండ్ ఫెస్ట్ లో సినిమాల ప్రదర్శన

ఇప్పుడు రాజమౌళి వల్లే.. తెలుగు సినిమా స్థాయి మరింత పెరుగుతోంది. యూఎస్ లో జరిగే ప్రముఖ హాలీవుడ్ ఫిల్మ్ ఫెస్టివల్..

By 8 Sep 2022 9:57 AM GMT
హాలీవుడ్ కి రాజమౌళి.. బియాండ్ ఫెస్ట్ లో సినిమాల ప్రదర్శన

బాహుబలి సిరీస్ సినిమాలతో తెలుగు సినిమా స్థాయిని అంతర్జాతీయ స్థాయికి తీసుకెళ్లిన దర్శకుడు రాజమౌళికి.. ప్రపంచ వ్యాప్తంగా గుర్తింపు లభించింది. ఇటీవల వచ్చిన RRR సినిమాతో రాజమౌళి ప్రపంచంలోనే గ్రేట్ డైరెక్టర్స్ లో ఒకరిగా పేరొందారు. టాలీవుడ్ నుంచి.. హాలీవుడ్ వరకూ అన్ని సినిమా పరిశ్రమలకు చెందిన టెక్నీషియన్స్, ప్రేక్షకులు RRRపై ప్రశంసల వర్షం కురిపిచారు. అంతేకాదు.. RRRకు ప్రపంచవ్యాప్తంగా వచ్చిన కలెక్షన్స్.. తెలుగు సినిమాకు ప్రత్యేక గుర్తింపును తీసుకొచ్చాయి.

ఇప్పుడు రాజమౌళి వల్లే.. తెలుగు సినిమా స్థాయి మరింత పెరుగుతోంది. యూఎస్ లో జరిగే ప్రముఖ హాలీవుడ్ ఫిల్మ్ ఫెస్టివల్ బియాండ్ ఫెస్ట్ లో రాజమౌళి సినిమాలని ప్రదర్శించనున్నారు. హాలీవుడ్ లో జరిగే పెద్ద సినీ ఫెస్ట్ లలో ఒకటైన ఈ బియాండ్ ఫెస్ట్ సెప్టెంబర్ 27 నుంచి అక్టోబర్ 11 వరకూ జరగనుంది. ఈ ఫెస్ట్ కి భారీ సంఖ్యలో ఆడియెన్స్ వస్తారు. ఈ ఫెస్ట్ లో రాజమౌళి సినిమాలని ప్రత్యేకంగా ప్రదర్శించనున్నారు. ఈ మేరకు ఫెస్ట్ నిర్వాహకులు ఓ పోస్టర్ ని కూడా రిలీజ్ చేశారు. ఈ పోస్టర్ లో రాజమౌళి అనే పేరులో ఆయన సినిమాల పోస్టర్స్ వచ్చేలా డిజైన్ చేసి టాలీవుడ్ టు హాలీవుడ్ అని రాశారు. ఈ విషయంపై ఫెస్ట్ నిర్వాహకులు స్పెషల్ గా ట్వీట్ చేయడం విశేషం.
బియాండ్ ఫెస్ట్ లో సెప్టెంబర్ 30న "RRR" సినిమా, అక్టోబర్ 1న "ఈగ", "బాహుబలి పార్ట్ 1&2", అక్టోబర్ 21న "మగధీర", 23న "మర్యాద రామన్న" సినిమాలు ప్రదర్శించనున్నారు. కాగా.. రాజమౌళి కూడా ఈ ఫెస్ట్ కి అతిథిగా వెళ్తారని సమాచారం. తెలుగు సినిమాలను హాలీవుడ్ వరకూ తీసుకెళ్లిన ఘనత ఒక్క రాజమౌళికే చెందుతుందనడంలో అతిశయోక్తి లేదు.



News Summary - rajamouli films screening at hollywood beyond fest
Subhash

Yarlagadda Rani

I am Rani Yarlagadda. I'm A self-motivated and inspired journalist with a passion for telling truth and delivering meaningful news to the public. Over five-plus years of experience in delivering content to digital and print media. Highly active on social media by engaging the public with unique stories. I started my career as a content writer at Andhra Prabha in 2015. And I worked there for 3 years. Later I joined CVR NEWS CHANNEL as Content Writer in 2018 and I worked there for 1 Year. Later I Joined News meter in 2019 and worked there for 6 months. After that, I worked in News sting And One India for One year. Totally I learned and explored the news space differently.
Next Story

సంబందిత వార్తలు

తాజా వార్తలు

టాప్ స్టోరీస్

వీడియోస్

X
sidekick