జైలర్ సినిమాకు ఊహించని షాక్

ఆగస్ట్ 10న విడుదలైన 'జైలర్' ప్రపంచవ్యాప్తంగా రూ.550 కోట్ల కలెక్షన్స్ దాటేసింది. ఈ చిత్రం ఇప్పుడు ప్రపంచవ్యాప్తంగా 600 కోట్ల రూపాయల దిశగా పయనిస్తోంది. ఇంతలో 'జైలర్' హై-డెఫినిషన్ ప్రింట్ ఇంటర్నెట్‌లోకి ప్రవేశించింది. ‘జైలర్‌’ సక్సెస్‌ఫుల్‌గా రన్‌ అవుతుండగా థియేటర్‌ యజమానులకు ఇది షాక్‌గా మారింది. పైరసీకి వ్యతిరేకంగా పోరాడేందుకు సోషల్ మీడియాలో లింక్‌ను షేర్ చేయవద్దని చెన్నైలోని రోహిణి సిల్వర్ స్క్రీన్స్ డైరెక్టర్ రేవంత్ చరణ్ అభిమానులను అభ్యర్థించారు. జైలర్‌ తెలుగు వెర్షన్‌ 75 కోట్లకు పైగా కలెక్ట్ చేసిందని అంటున్నారు. ఓవరాల్‌ డబ్బింగ్‌ సినిమాల్లో తెలుగులో ఫస్ట్ ప్లేస్‌లో ఉన్న కేజీయఫ్‌ని క్రాస్‌ చేస్తుందని ట్రేడ్‌ పండిట్స్ భావిస్తూ ఉండగా.. హెచ్డీ ప్రింట్ లీక్ అవ్వడంతో ఆ కలెక్షన్స్ కు గట్టి ఎదురుదెబ్బనే అని అంటున్నారు.