హీరోయిన్ స్పెషల్ ఏదయ్యా..

ఈమధ్యన భారీ బడ్జెట్ సినిమాలు తెరకెక్కుతున్నాయి అంటే... ఆ సినిమాల నుండి ఆ సినిమా లో నటించే స్టార్స్ లుక్స్ ని వారి బర్త్ డే లకు.. లేదంటే ఏ పండక్కో వదులుతూ అభిమానులను ఇంప్రెస్స్ చేస్తున్నారు దర్శకనిర్మాతలు. ఇక తమ అభిమాన నటీనటుల లుక్స్ వసున్నాయి అంటే ఏ హీరో, ఏ హీరోయిన్ ఫ్యాన్స్ కి అయినా పండగే. బాహుబలివిషయంలో ఈ ప్లాన్ ని రాజమౌళి పక్కాగా ఫాలో అయ్యాడు. అయితే అప్పటినుండి ప్రతి సినిమా విషయంలోనూ దర్శకనిర్మాతలు అదే చేస్తున్నారు. కానీ తాజాగా ఒక దర్శకుడు తమ సినిమాలో హీరోయిన్ ని లైట్ తీసుకుంటున్నాడా.. అని అనిపిస్తుంది. ఆ దర్శకుడు ఎవరో కాదు మాస్ డైరెక్టర్ బోయపాటి. బోయపాటి దర్శకత్వంలో రామ్ చరణ్ హీరోగా కియారా అద్వానీ హీరోయిన్ గా తెరకెక్కుతున్న వినయ విధేయరామ సినిమా షూటింగ్ చివరికొచ్చేసింది. అయితే సినిమా మొదలైన చాన్నాళ్ళకి బోయపాటి.. ఆ సినిమా లో రామ్ చరణ్ లుక్ ని ఆ సినిమా టైటిల్ ని వదిలాడు. ఆతర్వాత వెంటనే వినయ విధేయరామ టీజర్ ని వదిలాడు. అయితే ఫస్ట్ లుక్ లోగాని, తర్వాతి లుక్ లో గాని, టీజర్ లోగాని ఎక్కడా బోయపాటి ఈ సినిమా లో హీరోయిన్ గా నటిస్తున్న కియారని చూపెట్టలేదు.

మొన్నామధ్యన కార్తీక పౌర్ణమి సందర్భంగానూ రామ్ చరణ్ క్లాస్ లుక్ తోనే సరిపెట్టేసాడు. ఇక తాజాగా రామ్ చరణ్ అమ్మాయిలతో సరదాగా కూర్చున్న పిక్ లోను అంతే. కాకపోతే వినయ విధేయరామ ఫస్ట్ సింగిల్ లో మాత్రం కియారని మాములుగా అంటే చాలా సాదాసీదాగా రివీల్ చేసేసాడు. అంటే ఫస్ట్ సింగిల్ పోస్టర్ లో సెల్ఫీ స్టిక్ తో రామ్ చరణ్ ఫ్యామిలీ ఫోటో తీస్తున్న కియారా అద్వానీ, ఆ సాంగ్ మేకింగ్ లోను జస్ట్ సైకిల్ మీద వస్తూ నార్మల్ లుక్స్ తోనే కనబడింది. అక్కడక్కడా రామ్ చరణ్ తో కనబడిన హీరోయిన్ కైరా లో ఎలాంటి ప్రత్యేకత కనబడలేదు. మరి ఇదంతా చూస్తుంటే... ఎపుడూ తన సినిమా ల్లో హీరోయిన్స్ కి ఎక్కువగా ఇంపార్టెన్స్ ఇచ్చే బోయపాటి ఈసారి హీరోయిన్ ని లైట్ తీసుకున్నాడా... అని అనిపించకమానదు. ఇక కియారా వినయ విధేయరామ లోని లుక్స్ కి ఆమె మొదటి టాలీవుడ్ చిత్రం భరత్ అనే నేను లో లుక్స్ కి పెద్దగా తేడా కనిపించడం లేదు. మరి బోయపాటి స్పెషల్ గా కియారా - రామ్ చరణ్ రొమాన్స్ లుక్ ఎమన్నా త్వరలోనే రివీల్ చేస్తాడేమో చూడాలి.