Chiranjeevi : షారుఖ్ పాటకి చిరంజీవి స్టెప్పులు.. చరణ్ చప్పట్లు..

ఆ ఫంక్షన్ కి సంబంధించిన ఫోటోలు, వీడియోలు ఒక్కోటిగా బయటకి వస్తూ ఉన్నాయి. తాజాగా ఆ దివాళీ బ్యాష్ నుంచి ఒక వీడియో బయటకి వచ్చింది. ఆ వీడియోలో చిరంజీవి షారుఖ్ ఖాన్ 'జవాన్' మూవీ టైటిల్ సాంగ్ కి డాన్స్ వేస్తూ కనిపించారు. షారుఖ్ పాటకి చిరంజీవి స్టెప్పులు వేస్తుంటే రామ్ చరణ్ చప్పట్లు కొడుతూ సందడి చేస్తూ కనిపించారు. ప్రస్తుతం ఈ వీడియో నెట్టింట వైరల్ గా మారింది. మరి ఆ వీడియోని మీరుకూడా చూసేయండి.

ఇక చిరంజీవి సినిమాల విషయానికి వస్తే.. త్వరలో Mega156 ని పట్టాలు ఎక్కించబోతున్నారు. ఆల్రెడీ పూజా కార్యక్రమాలతో లాంచ్ అయిన ఈ సినిమా ఈ నెలాఖరులో షూటింగ్ మొదలు పెట్టుకోనుందని సమాచారం. బింబిసారా ఫేమ్ వశిష్ఠ ఈ సినిమాని డైరెక్ట్ చేయబోతున్నారు. సోషియో ఫాంటసీ కథతో ఈ చిత్రం తెరకెక్కనుంది. ఈ సినిమాలో చిరంజీవి తన ఏజ్ కి తగ్గ పాత్రని పోషించబోతున్నారట.

మూవీలో హీరోయిన్ తో రొమాన్స్ వంటి సీన్స్ ఉండవని వశిష్ఠ తేల్చి చెప్పేశారు. చిరు రోల్ చాలా పవర్‌ఫుల్ గా ఉంటుందంటూ దర్శకుడు చెప్పుకొస్తున్నారు. కీరవాణి ఈ సినిమాకి సంగీతం అందించనున్నారు. ప్రస్తుతం చంద్రబోస్ తో కలిసి కీరవాణి సాంగ్స్ ని సిద్ధం చేస్తున్నారు. చోట కె నాయడు ఈ సినిమాకి డిఒపిగా పనిచేస్తున్నారు. అంజి, జగదేక వీరుడు అతిలోక సుందరి వంటి సినిమాల తరువాత చాలా గ్యాప్ తో చిరంజీవి నుంచి వస్తున్న సోషియో ఫాంటసీ సబ్జెట్ కావడంతో ఈ మూవీ పై మంచి అంచనాలే క్రియేట్ అయ్యాయి.