RRR షాకింగ్ బడ్జెట్

రామ్ చరణ్ – ఎన్టీఆర్ కాంబోలో రాజమౌళి తెరకెక్కిస్తున్న #RRR సినిమా ముచ్చట్లేమీ ఈ సంక్రాంతికి కూడా బయటికి రాలేదు కానీ.. సినిమా విషయంలో ఎన్టీఆర్, రామ్ చరణ్ ఫ్యాన్స్ పిచ్చ క్యూరియాసిటీతో ఉన్నారు. రాజమౌళి ఎన్టీఆర్, రామ్ చరణ్ తో అల్లాటప్పా సినిమా ఏమి చెయ్యడం లేదని… #RRR ఒక్కో ఎపిసోడ్స్ విషయంలో బయటికొస్తున్న ఫిగర్స్ ని బట్టి అర్ధమవుతుంది. ఎన్టీఆర్ ఎంట్రీ సీన్ అదుర్స్ ఇంతని, ఇంటర్వెల్ బ్యాంగ్ కి ఇంత అని, బాలీవుడ్ నటులకు పారితోషకాల విషయంలో ఎక్కడా తగ్గడం లేదు.

ఇక తాజాగా #RRR విషయంలో రాజమౌళి స్కెచ్ చూస్తుంటే అందరికి షాక్ తగిలేలా ఉంది. #RRR పాన్ ఇండియా మూవీ గా మలుస్తున్న రాజమౌళి హాలీవుడ్ రేంజ్ ని మించి ఈ సినిమాని తెరకెక్కిస్తున్నాడా అనిపిస్తుంది. ఎందుకంటే రాజమౌళి #RRR క్లైమాక్స్ ని భారీ బడ్జెట్ తో కళ్ళు చెదిరే విజువల్స్ తో చూపించబోతున్నాడట. #RRR క్లైమాక్స్ ఎపిసోడ్ కోసం దాదాపు 150 కోట్లు ఖర్చు చేశారని #RRR చిత్ర బృందం ఫీలర్లు వదులుతుంది. ఇప్పటికే సినిమా మీద భారీ హైప్ ఉంటే.. ఇప్పుడు ఇలాంటి న్యూస్ లు ఈ సినిమాపై మరింత అంచనాలు పెరిగేలా చేస్తున్నాయి. అసలు రాజమౌళి తన సినిమాపై ప్రత్యేకమైన అంచనాలు పెంచక్కర్లేదు.. ఆటోమాటిక్ గా అంచనాలు ఆకాశంలోనే ఉంటాయి