చరణ్ రాముడైతే… ఎన్టీఆర్ రావణుడంట!

రామ్ చరణ్ – ఎన్టీఆర్ కాంబోలో బిగ్గెస్ట్ క్రేజీ ప్రాజెక్ట్ గా తెరకెక్కుతున్న #RRR సినిమా ప్రస్తుతం కలకత్తా పరిసర ప్రాంతాల్లో షూటింగ్ జరుపుకోవడానికి సమాయత్తం అవుతుంది. 1947 బ్రిటిష్ నేపథ్యంలో తెరకెక్కుతున్న #RRR సినిమా ఇప్పటివరకు రెండు షెడ్యూల్స్ ని పూర్తి చేసుకుంది. ఇంకా హీరోయిన్స్ విషయంలో రాజమౌళి ఓ కొలిక్కి రాలేదు కానీ సినిమా షూటింగ్ మాత్రం చాలా ఫాస్ట్ గానే చిత్రిక‌రిస్తున్నారు. ఇకపోతే #RRRలో రామ్ చరణ్ రోల్ బ్రిటీష్ కాలం నాటి పోలీస్ ఆఫీసర్ పాత్ర అని.. ఎన్టీఆర్ మాత్రం నెగెటివ్ షేడ్స్ కలిగిన పాత్రలో కనిపిస్తాడని ప్రచారం ఉంది.

నెగెటీవ్ షేడ్స్ లో జూనియ‌ర్

ఇక #RRR సెకండ్ షెడ్యూల్ లో రామ్ చరణ్ పై సోలో షూటింగ్ చేసిన రాజమౌళి ఆ కాలం నాటి పోలీస్ స్టేషన్ సీన్స్ ని చిత్రీకరించాడు. ఇక ఇప్పుడు #RRRపై ఒక ఇంట్రెస్టింగ్ న్యూస్ మీడియాలో చక్కర్లు కొడుతోంది. అదేమిటంటే ఈ సినిమాలో ఎన్టీఆర్ నెగిటివ్ షేడ్స్ ఉన్న ఓ ఫారెస్ట్ ఆఫీసర్ పాత్ర‌లో న‌టిస్తున్నాడ‌ట. ఇక‌, ఎన్టీఆర్ నెగెటివ్ షేడ్స్ కలిగిన ఫారెస్ట్ ఆఫీసర్ రోల్ అంటే… మరి ఈ రోల్ లో ఎన్టీఆర్ నట విశ్వరూపం చూడడం ఖాయమని ఎన్టీఆర్ ఫాన్స్ ఫిక్స్ అవుతున్నారు కూడా.

రావ‌ణుడిలా ఎన్టీఆర్‌

#RRRలో ఎన్టీఆర్ పాత్ర రావణాసురుడిని పోలివుంటే… జై లవ కుశలో జై పాత్రలో ఎన్టీఆర్ నటనలో రెచ్చిపోయినట్లుగా… ఈ సినిమాలో ఎన్టీఆర్ నటన ఉంటుందేమో అంటూ ఎన్టీఆర్ అభిమానులు సంబరపడిపోతున్నారు. అయితే రాజమౌళి #RRRలో రామ్ చరణ్ పాత్రను రామాయణంలోని శ్రీ రాముడి క్యారెక్టర్ ఆధారంగా డిజైన్ చేస్తే.. ఎన్టీఆర్ పాత్రను రావ‌ణుడి ఆధారంగా డిజైన్ చేసినట్లు తెలుస్తోంది. అందుకే ఎన్టీఆర్ కండలు పెంచి రావణాసురుడిగా బలంగా కనిపిస్తాడంటున్నారు. ఇక రామ్ చరణ్ పోలీస్ ఆఫీసర్ గా ఇప్పుడున్న ఫిట్ నెస్ సరిపోతుందని అందుకే స్పెషల్ మేకోవర్ రామ్ చరణ్ కి లేదట. రామ్ చరణ్ కి హీరోయిన్ గా అలియా భట్ ను ఫైనల్ చేశార‌నే టాక్ నడుస్తుంటే. … ఎన్టీఆర్ హీరోయిన్ పై మాత్రం ఎలాంటి క్లారిటీ లేదు.