మహేష్ మూవీ కోసం రష్మిక ఎంత తీసుకుంటుందో తెలుసా?

కన్నడ బ్యూటీ రష్మిక మందన్న ఇప్పుడు టాలీవుడ్ లో మోస్ట్ వాంటెడ్ హీరోయిన్. ఛలో సినిమాతో తెలుగు తెరకు పరిచయం అయిన ఈ ముద్దుగుమ్మ స్టార్ హీరోస్ తో సినిమాలు చేసే రేంజ్ కి వెళ్లిపోయింది. టాలీవుడ్ లో హాట్ ఫేవరేట్ గా ఉన్న రష్మిక మందన్న ‘గీత గోవిందం’ సంచలన విజయాన్ని సాధించింది. దాంతో ఆమె సుడి మారిపోయింది.

ఏకంగా సూపర్ స్టార్ మహేష్ బాబు తో చేసే ఛాన్స్ కొట్టేసింది. మహేష్ – అనిల్ రావిపూడి డైరెక్షన్ లో వస్తున్నా సరిలేరు నీకెవరు సినిమాతో బంపర్ ఆఫర్ కొట్టేసిన రష్మిక ఆ సినిమా రేంజ్ తగ్గట్టుగానే ఎక్కువ రెమ్యూనరేషన్ తీసుకుంటుందట. ఈ సినిమాకిగాను ఆమెకి కోటి రూపాయలకి పైగా పారితోషికం ముట్టనుందని అంటున్నారు.

రష్మిక మందన్న కు ప్రస్తుతం యూత్ లో మంచి క్రేజ్ ఉండడంతో ఆమె అడిగినంత ప్రొడ్యూసర్స్ ఇవ్వడానికి వెనకాడలేదని చెప్పుకుంటున్నారు. లేటెస్ట్ గా ఈమె విజయ్ దేవరకొండ తో నటించిన ‘డియర్ కామ్రేడ్’ త్వరలోనే రిలీజ్ కానుంది. ఒకవేళ ఈసినిమా హిట్ అయితే ఆమె నెక్స్ట్ సినిమా కోసం మరింత రెమ్యూనరేషన్ పెంచిన ఆశ్చర్యపోనవసరం లేదు అంటున్నారు.