మళ్ళీ రీ ఎంట్రీ ఇచ్చిన ఆ ముగ్గురు కంటెస్టెంట్స్..
తెలుగు బిగ్‌బాస్ సీజన్ 7 నుంచి ఎలిమినేట్ అయ్యి బయటకి వెళ్లిన కంటెస్టెంట్స్ మళ్ళీ తిరిగి లోపలికి ఎంట్రీ ఇచ్చారు.
తెలుగు బిగ్‌బాస్ సీజన్ 7 ఆరో వారం పూర్తి చేసుకొని ఏడో వారంలోకి అడుగు పెడుతుంది. ఐదు వారలుగా హౌస్ నుంచి లేడీ కంటెస్టెంట్స్ బయటకి వెళ్తూ వచ్చారు. ఇక ఈ వారం ఎవరు ఇంటి నుంచి బయటకి రాబోతున్నారు అనేది అందరిలో ఆసక్తి నెలకుంది. ఆడియన్స్ అంతా ఎలిమినేషన్ గురించి ఆలోచిస్తుంటే, బిగ్‌బాస్.. హౌస్ నుంచి ఎలిమినేట్ అయ్యి బయటకి వెళ్లిపోయిన వారిని మళ్ళీ లోపలి తీసుకు వచ్చి అందరికి షాక్ ఇచ్చాడు.
కాగా ఈ వారం ఎలిమినేషన్ నామినేషన్స్ లో శోభా శెట్టి, అశ్విని శ్రీ, నయని పావని, పూజా మూర్తి, ప్రిన్స్‌ యావర్‌, అమర్‌దీప్‌, టేస్టీ తేజ ఉన్నారు. ఇక వీరిలో శోభా శెట్టి గేమ్ తీరుపై బాగా ట్రోలింగ్ జరుగుతుంది. కొన్ని టాస్క్‌ల్లో శోభా శెట్టి.. మరి చిల్లరిగా ప్రవర్తిస్తుందని కామెంట్స్ చేస్తున్నారు. ఈక్రమంలోనే ఆడియన్స్ లో ఈ భామపై నెగటివిటీ రావడంతో.. ఓట్లు తగ్గే ఛాన్స్ కనిపిస్తుంది. దీంతో శోభా శెట్టి ఈ వారం ఎలిమినేట్ అయ్యే ఛాన్స్ ఎక్కువ ఉందని నెటిజెన్స్ చెబుతున్నారు.
