రావణాసుర ఫస్ట్ డే కలెక్షన్స్.. ఖిలాడీ కంటే దారుణం

గతేడాది రవితేజ హీరోగా వచ్చిన కిలాడీ రూ.6.8 కోట్లు, రామారావు ఆన్ డ్యూటీ రూ. 6.3 కోట్లు, ధమాకా రూ.9.48 కోట్లు ఫస్ట్ డే వసూళ్లు రాగా.. రావణాసురకు కేవలం ఐదున్నర కోట్ల వసూళ్లే రావడం గమనార్హం. వాటితో పోలిస్తే.. రావణాసురకు మంచి ఆరంభం రాలేదనేది వాస్తవం. ప్రపంచ వ్యాప్తంగా తొమ్మిది కోట్ల వసూళ్లు రాబట్టింది. మిశ్రమ స్పందనతో ఉన్న ఈ సినిమా లాభాల బాట పట్టాలంటే రూ.25 కోట్లు వసూళ్లు రావాల్సి ఉంది. వీకెండ్ లో అంటే శని, ఆదివారాల్లో ఏమన్నా సినిమాకు మంచి వసూళ్లు వస్తాయోమోనని చిత్రబృందం ఎదురుచూస్తోంది. అభిషేక్ నామా, రవితేజ కలిసి నిర్మించిన ఈ సినిమాకు సుధీర్ వర్మ దర్శకత్వం వహించగా.. అను ఇమ్మాన్యుయేల్, మేఘా ఆకాశ్, ఫరియా అబ్దుల్లా, దక్షా నగార్కర్, పూజితా పొన్నాడ హీరోయిన్లుగా, రావు రమేష్, జయరామ్, సంపత్ రాజ్, మురళీశర్మ కీలక పాత్రల్లో కనిపించారు.