సభకు నమస్కారం: నానిని తప్పించి బన్నీకి తగిలించారా..?
కృష్ణార్జున యుద్ధం పరాజయంతో నాని ప్రస్తుతం నాగార్జున తో కలిసి దేవదాసు అనే మల్టీస్టారర్ తో పాటు జెర్సీ సినిమాల్లో నటిస్తున్నాడు. అయితే హీరో నాని వరస హిట్స్ తో నిర్మాత దిల్ రాజు నానితో వరసగా సినిమాలు నిర్మిస్తూ వస్తున్నాడు. నిన్ను కోరి, ఎంసీఏ... ఇలా బ్యాక్ టు బ్యాక్ సినిమాలు చేసిన దిల్ రాజు.. నానితో మరో మూవీని నిర్మించడానికి రెడీ అయ్యాడు. సభకు నమస్కారం అనే టైటిల్ తో నాని - దిల్ రాజు కాంబోలో మరో మూవీ తెరకెక్కన్నుట్లుగా వార్తలయితే మొన్నామధ్యన వచ్చాయి. అయితే దిల్ రాజు ఈసారి తన మనసు మర్చుకున్నాడట. ఈ సభకు నమస్కారం సినిమాని మరో స్టార్ హీరో తో చెయ్యడానికి ప్రిపేర్ అవుతున్నాడట.
బన్నీతో ఇదే సినిమా చేయాలని...
అది కూడా నా పేరు సూర్య సినిమా ఫ్లాప్ తో ప్రస్తుతం కన్ఫ్యూజన్ లో ఉన్న అల్లు అర్జున్ తో దిల్ రాజు ఈ సభకు నమస్కారం సినిమా చెయ్యాలనే తలంపుతో ఉన్నాడట. ఎలాగూ విక్రమ్ కుమార్ తో సినిమా చెయ్యాలా వద్ద అనే కన్ఫ్యూజన్ లో ప్రస్తుతం బన్నీ ఉన్నాడు . ఎందుకంటే ఈసారి మాస్ మసాలా ఎంటర్టైనర్ తో హిట్ కొట్టాలనే కసితో ఉన్న అల్లు అర్జున్ కి విక్రమ్ కుమార్ చెప్పిన కథ అంతగా ఎక్కలేదట. అందుకే విక్రమ్ కుమార్ తో బన్నీ ఒక మాస్ మసాలా ఉన్న కథను తయారు చెయ్యమని చెప్పాడట, మరి విక్రమ్ కుమార్ ఇంతవరకు అలాంటి మాస్ ఎలిమెంట్స్ తో పక్కాగా సినిమా చేసి హిట్ కొట్టలేదు. అందుకే విక్రమ్ తో సినిమాకి అల్లు అర్జున్ జంకుతున్నాడట.
దర్శకుడి కోసం వెతుకులాట
ఇక ఈలోపు దిల్ రాజు అల్లు అర్జున్ ని కలిసి సభకు నమస్కారం కథ విపించడంతో.. బన్నీ ఈ కథతో సానుకూలంగా ఉన్నదంటున్నారు. కాకపోతే ఈ కథని డైరెక్ట్ చేసే డైరెక్టర్ కోసం ఇప్పుడు కష్టాలు స్టార్ట్ అయ్యాయట. ఇప్పటికే దిల్ రాజుతో కలిసి అల్లు అర్జున్ చాలా మంది దర్శకుల పేర్లను పరిశీలించగా.. ఎవరు ఈ సినిమా కథకు సరిపోయేలా అనిపించక.. ప్రస్తుతం దర్శకుడి కోసం బన్నీ, దిల్ రాజు వెయిట్ చేస్తున్నారట. మరి డైరెక్టర్ దొరకగానే దిల్ రాజు బ్యానర్లో అల్లు అర్జున్ సినిమా ఎనౌన్సమెంట్ పక్కా అనే మాట వినబడుతుంది. మరి అలా నానిని తప్పించి బన్నీకి తగిలించారు ఈ సభకు నమస్కారాన్ని.
