ఇంటికి వెళ్లి ఏడ్చేశాను

మలయాళం బ్యూటీ సాయి పల్లవి తెలుగులో సెలెక్టెడ్ సినిమాలు చేస్తూ తమిళంలో మంచి మంచి ఆఫర్స్ దక్కించుకుని సూర్య లాంటి స్టార్ హీరో పక్క చేసే ఛాన్స్ కొట్టేసింది. ఆయనతో నటించడం నా కల అని సాయి పల్లవి చాలా సార్లు చెప్పింది. అయితే వీరి కాంబినేషన్ ‘ఎన్జీకే’ సినిమా ఈ నెల 31వ తేదీన తెలుగు, తమిళ భాషల్లో విడుదల కానుంది. ఇందులో సాయి పల్లవితో పాటు రకుల్ కూడా నటించింది. ప్రస్తుతం ఈ మూవీ ప్రమోషన్స్ లో యాక్టీవ్ గా పాల్గొంటోంది సాయి పల్లవి. ఈ సందర్భంగా ఆమె ఇంటర్వ్యూ లో మాట్లాడుతూ…ఒక ఆసక్తికరమైన విషయం చెప్పింది.

చాలా టేకులు తీసుకోవడంతో…

” ఈమూవీ షూటింగ్ సమయంలో ఒక సీన్ కోసం నేను చాలా టేకులు తీసుకున్నాను. అనుకున్నట్టు రాకపోవడంతో నెక్స్ట్ డే చేద్దాం అని డైరెక్టర్ సెల్వరాఘవన్ అన్నారు. దీంతో ఆయనను మెప్పించలేకపోయినందుకు బాధపడ్డాను. ఇంటికి వెళ్లి అమ్మతో చెప్పి ఏడ్చేసాను. అయితే ఆ నెక్స్ట్ డే షూట్ లో సింగిల్ షాట్ లోనే సెల్వ ఓకే చెప్పారు. ఆ తరువాత ఈ విషయాన్ని హీరో సూర్య వద్ద ప్రస్తావించాను. అప్పుడు ఆయన సెల్వ ఎవరికీ సింగిల్ టేక్ లో ఓకే చెప్పరు. నాతోనే చాలాసార్లు చేయిస్తాడు అని సూర్య చెప్పడంతో అప్పుడు నా మనసు కుదుట పడింది” అని సాయి పల్లవి ఆ ఇంటర్వ్యూ లో చెప్పడం విశేషం.