యాక్షన్ మీదే ఫోకస్

సైరా నరసింహారెడ్డి సినిమా ప్రమోషన్స్ మెల్లిగా స్టార్ట్ అయ్యాయి. వచ్చే బుధవారమే విడుదల కాబోతున్న సైరా సినిమా ప్రమోషన్స్ లో వీక్ అయినప్పటికీ… చేసిన ప్రమోషన్స్ గట్టిగా కనిపిస్తున్నాయి. హైదరాబాద్ లో ప్రీ రిలీజ్ ఈవెంట్, బెంగుళూరు, చెన్నై, ముంబై లలో సినిమా ప్రెస్స్ మీట్స్ తో సుడిగాలి ప్రమోషన్స్ కి సైరా టీం రెడీ అయ్యింది. పలు రాష్ట్రాల్లో భారీ వర్షాలు పడుతుండడంతో కంగారు పడిన సైరా టీం ప్రేక్షకులకు సినిమాపై ఆసక్తి రేపడానికి సోషల్ మీడియాని బాగా యూస్ చేసుకోవాలనుకుంటుంది. అందులో భగంగానే సైరా సినిమా రెండో ట్రైలర్ ని ఈ రోజు ఉదయమే విడుదల చేసింది టీం.

ఊపిరి సలపని పోరాటం….

మొదటి ట్రైలర్ లో సైరా కేరెక్టర్స్ లోని బలా బలాలను చూపిస్తూ అన్ని రకాల మసాలాను దట్టించిన సైరా టీం.. ఈ సారి కేవలం యాక్షన్ కే ఇంపార్టెన్స్ ఇచ్చింది. చిరుని హైలెట్ చేస్తూ కట్ చేసిన ఈ ట్రైలర్ బ్రిటీష్ దొరల దోపిడీని, అది వ్యతిరేకించిన నరసింహారెడ్డి తెగువను తెలిపేదిగా ఉంది. ఈ ట్రైలర్ మొత్తం బ్రిటిష్ వారిమీద ఎదురు తిరిగిన సైరా నరసింహారెడ్డి ఊపిరి సలపని పోరాటాలతో, చిరంజీవి వీరోచిత నటనతో ఆకట్టుకుంది. అయితే ట్రైలర్ మొత్తం యాక్షన్ తో నింపేశారు. ట్రైలర్ అయితే మెగా అభిమానులకు పూనకాలు తెప్పించేదిలాగే ఉంది. కానీ మిగతా ప్రేక్షకులకు ఈ ట్రైలర్ అంతగా రుచించేలా కనిపించడం లేదు. ఏదైనా మొదటి ట్రైలర్ తో వచ్చిన అంచనాలు రెండో ట్రైలర్ తో తగ్గించేదిలా ఉంది.