ప్రీమియర్స్ తో సత్తా చాటిన సైరా

ఐదు భాషల్లో గ్రాండ్ గా ప్రేక్షకుల ముందుకు వచ్చిన సైరా నరసింహారెడ్డి సినిమాపై ఫాన్స్ లోనే కాదు… ప్రేక్షకుల్లోనూ భారీ అంచనాలున్నాయి. భారీ బడ్జెట్ తో భారీ అంచనాల మధ్యన భారీగా విడుదలైన సైరా సినిమాకి పాజిటివ్ టాక్ పడింది. ఇక ఎంతో క్రేజ్ తో విడుదలైన సైరా నరసింహారెడ్డి యుఎస్ లోనూ ప్రీమియర్స్ తో అదరగొట్టేసింది. మొదటి నుంచి భారీ క్రేజ్, భారీ హైప్ తో ఉన్న సైరా నరసింహారెడ్డి సినిమా ఓవర్సీస్ లో 269 లొకేషన్స్ విడుదలై $7,39,136 డాలర్ల వసూళ్లు రాబట్టింది. అయితే అది ప్రస్తుతానికున్న సమాచారమే. అయితే ఇదే ట్రెండ్ కొనసాగితే గనక సై రా సినిమా కేవలం ప్రీమియర్స్ ద్వారానే వన్ మిలియన్ మార్కు చేరుకునే అవకాశాలున్నాయంటున్నారు. మరి ఇక్కడ రెండు తెలుగు రాష్ట్రాల్లోనే కాదు హిందీలోనూ, తమిళ, మలయాళ, కన్నడలోను సై రా సినిమాకి పాజిటివ్ రివ్యూస్ రావడంతో.. సినిమా హిట్ అనే టాక్ మాత్రం బాగా వినబడుతుంది.