ఈ యువ హీరోని కాపాడేదెవరు

వేంకటాద్రి ఎక్ష్ప్రెస్స్ సినిమా దగ్గరనుండి గ్యాప్ లేకుండా సినిమాలు చేస్తున్న సందీప్ కిషన్ ఇప్పుడు ఏ సినిమా చేసినా వరస ప్లాప్స్ కొడుతూనే ఉన్నాడు. మొదట్లో కెరీర్ లో బిజీగా గడుపుతూ... హిట్స్, ప్లాప్స్ తో సంబంధం లేకుండా సినిమాలు చేసినా సందీప్ మార్కెట్ ఇప్పుడు 0 అన్నటుగా వుంది అతని సినిమాల పరిస్థితి. తమిళంలోనూ కలిసి రావడం లేదు. సందీప్ కి తాజాగా మరో భారీ డిజాస్టర్ పడింది.

హాట్ అండ్ గ్లామర్ భామ తమన్నా తో కలిసి నటించిన నెక్స్ట్ ఏంటి సినిమా కూడా ప్లాప్ అయ్యింది. మరి హీరోయిన్ తమన్నా గ్లామర్ గాని, ఆమె క్రేజ్ కూడా సందీప్ ని ఒడ్డున పడెయ్యలేకపోయింది. కెమెరా మ్యాన్ చోట కె నాయుడు మేనల్లుడిగా సినిమాల్లోకి అడుగు పెట్టిన సందీప్ పరిస్థితి మరీ ఘోరంగా తయారైంది. నెక్స్ట్ ఏంటి సినిమా తో ఫామ్ లోకోద్దమనుకుంటే.. ఆ సినిమా చూసిన ప్రతి ఒక్కరు సందీప్ కిషన్ తమన్నా హీరోయిన్ అని ఈ సినిమా ఒప్పుకున్నాడు కానీ.. ఈ సినిమాలో అసలేం లేదంటున్నారు. శుక్రవారం విడుదలైన నెక్స్ట్ నువ్వే మిగతా సినిమాలన్నిటిలో ఘోరమైన పరిస్థితిలో ఉంది.

కవచం, సుబ్రమణ్యపురం సినిమాలకన్నా అతి దారుణమైన రేటింగ్స్ నెక్స్ట్ నువ్వేకే వచ్చాయి. అసలా సినిమా మొదలైనప్పటి నుండి తమన్నా మీదే ఫోకస్ చేసారు దర్శకనిర్మాతలు. అలాగే పబ్లిసిటీ కార్యక్రమాల్లోనూ తమన్నా నే హైలెట్ అయ్యింది కానీ సందీప్ ఎక్కడ కనబడలేదు. మరి యంగ్ హీరోని కాపాడేవరో గాని.. లేదంటే సందీప్ మరో నవదీప్ అయినా అవ్వొచ్చు అని అంటున్నారు. ఎందుకంటే నవదీప్ కూడా హీరో గా సినిమాలు మానేసి కేరెక్టర్ ఆర్టిస్ట్ గా చేసుకుపోతున్నాడు. మరి హీరోగా అవకాశాలు సన్నగిల్లుతుంటే ఏ విలన్ గానో లేదంటే పెద్ద హీరోల సినిమాల్లో సైడ్ కేరెక్టర్స్ వేసుకోవాల్సిన పరిస్థితి వస్తుందంటున్నారు. చూద్దాం సందీప్ కెరీర్ ఏ మలుపు తిరుగుతుందో