Mon Nov 18 2024 01:35:41 GMT+0000 (Coordinated Universal Time)
మహేష్, ఎన్టీఆర్ గురించి కన్నడ స్టార్ హీరో కామెంట్స్..
కన్నడ స్టార్ హీరో శివ రాజ్ కుమార్ మహేష్ బాబు, జూనియర్ ఎన్టీఆర్ గురించి చేసిన కామెంట్స్ ప్రస్తుతం నెట్టింట వైరల్ గా మారాయి.
కర్ణాటక స్టార్ హీరో శివ రాజ్ కుమార్ (Shiva Rajkumar) ఇటీవల కాలంలో తన సినిమాలను తెలుగులో కూడా రిలీజ్ చేస్తూ ఇక్కడ ఆడియన్స్ కి దగ్గరవుతున్నాడు. గతంలో బాలకృష్ణ నటించిన 'గౌతమీపుత్ర శాతకర్ణి' సినిమాలో ఒక పాటలో కనిపించి ఆకట్టుకున్నాడు. ఇక ఇటీవల రజినీకాంత్ 'జైలర్' లో గెస్ట్ అపిరెన్స్ ఇచ్చి అదరగొట్టేశాడు. తాజాగా ఈ హీరో నటించిన 'ఘోస్ట్' సినిమా కన్నడతో పాటు ఇతర భాషల్లో కూడా రిలీజ్ కాబోతుంది.
దసరా కానుకగా అక్టోబర్ 19న ఘోస్ట్ రిలీజ్ కాబోతుంది. ఇక ఈ మూవీ ప్రమోషన్స్ లో ఉన్న శివ రాజ్ కుమార్.. ట్విట్టర్ లో #ASKShivanna అంటూ ఒక చిట్ చాట్ సెషన్ నిర్వహించాడు. ఈ ఇంటరాక్షన్ లో శివరాజ్ కుమార్ ని టాలీవుడ్ అభిమానులు మహేష్ బాబు (Mahesh Babu), జూనియర్ (NTR) గురించి అడిగారు. ఇక వీరికి శివన్న ఇచ్చిన సమాధానాలు ప్రస్తుతం నెట్టింట వైరల్ గా మారాయి.
మహేష్ అభిమానులు ఒక ఫోటో షేర్ చేస్తూ.. "ఈ మూమెంట్ మీకు గుర్తుందా సార్?" అని ప్రశ్నించారు. దీనికి శివరాజ్ కుమార్ బదులిస్తూ.. "మహేష్ చాలా తక్కువ మాట్లాడతారు. మాటలు తక్కువే అయినా స్క్రీన్ పై నటన మాత్రం అద్భుతం. ఇతరులతో ఎంతో డిగ్నిఫైడ్‌ గా, ప్రొఫెషనల్‌ గా ఉంటారు. ఆయన ఇంకా ఎంతో సాధించాలని కోరుకుంటున్నాను" అంటూ బదులిచ్చారు. ప్రస్తుతం మహేష్ ఫ్యాన్స్ ఈ ట్వీట్ ని వైరల్ చేస్తున్నారు.
ఇక శివరాజ్ కుమార్ ఫ్యామిలీతో ఎన్టీఆర్ కి ప్రత్యేక బంధం ఉన్న విషయం తెలిసిందే. పునీత్ రాజ్ కుమార్ సినిమా కోసం ఎన్టీఆర్ గతంలో పాట కూడా పాడాడు. ఇక ఎన్టీఆర్ తల్లి కన్నడ వ్యక్తి కావడంతో.. తారక్ కన్నడ చాలా బాగా మాట్లాడతాడు. ఈ విషయానే ఎన్టీఆర్ అభిమానులు శివన్నని అడిగారు. "ఎన్టీఆర్ అలోవకగా కన్నడ మాట్లాడుతుంటే మీకు ఎలా అనిపిస్తుంది?" అని ప్రశ్నించారు.
దీనికి శివరాజ్ కుమార్ బదులిస్తూ.. "కన్నడ మాట్లాడాలంటే పెద్ద హృదయం ఉండాలి. అది తారక్ ఉంది. తను కన్నడ మాట్లాడడమే కాదు పాడతాడు కూడా. మా మొత్తం కుటుంబానికి తనంటే ఎంతో ఇష్టం. మేమంతా తనకి ఎప్పుడు మంచి జరగాలనే కోరుకుంటుంటాం" అంటూ చెప్పుకొచ్చాడు. ఇక ఎన్టీఆర్ ఫ్యాన్స్ కూడా ఈ ట్వీట్ ని ట్రెండ్ చేస్తూ సందడి చేస్తున్నారు.
Next Story
