బిచ్చగాడు ఫేమ్ విజయ్ ఆంటోనీ కుటుంబంలో ఇంతటి విషాదమా!!

నటుడు, సంగీత దర్శకుడు విజయ్‌ ఆంటోని కుమార్తె మీరా (16) మంగళవారం తెల్లవారుజామున ఆళ్వార్‌పేటలోని తమ నివాసంలో ఆత్మహత్యకు పాల్పడ్డారు. 12వ తరగతి చదువుతున్న మీరా డిప్రెషన్ తో పోరాడుతూ ఉంది. ఇంతలో ఆమె ఈ నిర్ణయం తీసుకుందని సమాచారం. తెల్లవారుజామున 3 గంటలకు మీరా ఉరి వేసుకుని కనిపించడంతో విజయ్ ఆంటోనీ కుటుంబం తీవ్ర షాక్‌కు గురయ్యారు. ఆమె వయస్సు 16 సంవత్సరాలు. ఆమె చెన్నైలోని ప్రముఖ పాఠశాలలో చదువుతోంది. ఆ బాలిక డిప్రెషన్‌తో పోరాడుతున్నట్లు తమిళ మీడియా సంస్థలు తెలిపాయి. ఆమె గదిలో ఉరి వేసుకుని కనిపించడంతో మీరాను చెన్నైలోని ఆసుపత్రికి తరలించారు. అయితే ఆమెను పరీక్షించిన వైద్యులు మృతి చెందినట్లు తెలిపారు. మరిన్ని వివరాలు తెలియాల్సి ఉంది.