Slipper Attack: ఇళయ తలపతి విజయ్ పై చెప్పుతో దాడి

లెజెండరీ నటుడు, దేశీయ ముర్పోక్కు ద్రావిడ్స్ కజగం (DMDK) అధినేత, విజయకాంత్ చెన్నైలోని ఒక ప్రైవేట్ ఆసుపత్రిలో మరణించారు. విజయకాంత్‌కు నివాళులు అర్పించేందుకు ఇళయ తలపతి విజయ్ చెన్నైలోని DMDK కార్యాలయానికి వచ్చారు. ఆ సమయంలో కొందరు ఆయనపై (Slipper attack)దాడికి పాల్పడ్డారు. ఒకరు అతనిపై తన చెప్పు విసిరినట్లు కనిపించింది. దీనికి సంబంధించిన వీడియో ఇప్పుడు సోషల్ మీడియా ప్లాట్‌ఫామ్‌లలో వైరల్ అవుతుంది. విజయ్ చుట్టూ జనం గుమిగూడగా.. మధ్యలో నుంచి ఓ చెప్పు వచ్చి ఆయనకు తగిలినట్లు వీడియోలో కనిపిస్తోంది. విజయ్ దానిని పట్టించుకోకుండా కారు ఎక్కడానికి వెళ్లారు. పక్కనే ఉన్న వ్యక్తి ఆ చెప్పును అది వచ్చిన దిశలోకే విసిరేశాడు. ఈ అంత్యక్రియల్లో విజయ్ ని ఎందుకు లక్ష్యంగా చేసుకున్నారన్న విషయం తెలియలేదు. విజయకాంత్‌కు నివాళులర్పించిన సందర్భంగా తలపతి విజయ్ కన్నీటిపర్యంతమయ్యారు. విజయకాంత్ భార్య ప్రేమలత, ఇద్దరు కుమారులు విజయ ప్రభాకరన్, షణ్ముగ పాండియన్‌లను ఆయన ఓదార్చారు.