సునీల్ ఏమిటిది.. మరీ ఇంత చీప్ గా?

ప్రస్తుతం సునీల్ కెరీర్ డోలాయమానంలో ఉంది. కమెడియన్ గా సూపర్ ఫామ్ లో ఉన్న సునీల్ హీరో వేషాలు వేసి చేతులు కాల్చుకున్నాడు. హీరోగా ఒకటి రెండు సినిమాలే హిట్. మిగతా హీరోయిజం అంతా ప్లాప్. అయినా సునీల్ కి హీరోయిజం మీద మోజు చావలేదు. హీరోగా ఫెయిల్ అయ్యి కమెడియన్ అవతారమెత్తాక కూడా మళ్ళీ హీరోగా సినిమా చేస్తున్నాడంటే సునీల్ కి హీరో అంటే ఎంత పిచ్చో అర్ధమవుతుంది. సరే అదలా ఉంటే సునీల్ కమెడియన్ గాను ఫామ్ లోకి రాలేకపోవుతున్నాడు. ఏ సినిమా హిట్ అయినా అందులో సునీల్ ఉన్న సునీల్ పాత్ర మరుగున పడుతుందే కానీ హైలెట్ అవడం లేదు.

అయితే తాజాగా సునీల్ సుహాస్ హీరోగా తెరకెక్కిన కలర్ ఫోటో సినిమలో పోలీస్ పాత్రలో నెగెటివ్ రోల్ చేసాడు. ఈ సినిమా ‘లో’ బడ్జెట్ మూవీ, చిన్న సినిమా. అయితే ఈ సినిమాకి సునీల్ కాల్షీట్స్ కూడా తక్కువే. జస్ట్ తొమ్మిది రోజులే సునీల్ ఈ సినిమాకి డేట్స్ ఇచ్చాడు. అలానే ఆ తొమ్మిదిరోజుల కోసం సునీల్ తీసుకున్న పారితోషకం చూస్తే మరీ ఇంత చీపా అనేస్తారు. మరీ సునీల్ కలర్ ఫోటో కోసం తొమ్మిదిరోజులు అందుకున్న పారితోషకం జస్ట్ 10 లక్షలేనట. అంటే రోజుకి లక్ష చొప్పున అన్నమాట. మరీ సునీల్ రేంజ్ కి ఇది తక్కువే. కాకపోతే కలర్ ఫోటో బడ్జెట్ ని బట్టి సునీల్ కూడా ఓ మెట్టు దిగి ఉంటాడు. ఒకప్పుడు కమెడియన్ గా ఒక్కో సినిమాకి 2 నుండి 3 కోట్లు తీసుకున్న సందర్భాలు ఉన్నాయి. మరి అప్పుడు సునీల్ క్రేజ్ అలాంటిది. కానీ ఇప్పుడు సునీల్ క్రేజ్ పోయింది.. అందుకే రోజుకి లక్ష లెక్కన ఇచ్చి సునీల్ క్రేజ్ మరింత తగ్గించేశారు.