దుబాయ్ లో మహేష్ ఫ్యామిలీ న్యూ ఇయర్ సెలబ్రేషన్స్ !

న్యూ ఇయర్ సందర్భంగా మహేష్ పోస్ట్ చేసిన ఆ ఫోటో కింద.. "నూతన ప్రారంభాల మేజిక్ ను నమ్మండి! సంతోషంగా ఉండండి, దయతో ఉండండి, కృతజ్ఞతతో ఉండండి! నూతన సంవత్సర శుభాకాంక్షలు #2022! అందరూ సురక్షితంగా ఉండండి. మీ అందరిపై అభిమానంతో" అంటూ రాసుకొచ్చారు. గతేడాది సరిలేరు నీకెవ్వరు తో అలరించిన మహేష్ బాబు.. నూతన సంవత్సరంలో సర్కారు వారి పాట తో ప్రేక్షకుల ముందుకి రానున్నాడు. గీత గోవిందం ఫేమ్ పరశురామ్ దర్శకత్వం వహించిన ఈ సినిమాలో మహేష్ సరసన కీర్తి సురేష్ నటిస్తోంది. పొలిటికల్ థ్రిల్లర్ గా పేర్కొంటున్న ఈ సినిమా కథ అంతా ప్రభుత్వ కార్యాలయాల్లో జరిగే అవినీతి చుట్టూ తిరుగుతుందని తెలుస్తోంది. నిజానికి సంక్రాంతికే ఈ సినిమా రావాల్సి ఉండగా.. కొన్ని కారణాల వల్ల మేకర్స్ సినిమా విడుదలను వాయిదా వేసిన సంగతి తెలిసిందే.