దేవిశ్రీ పై అసంతృప్తి?

మహేష్ బాబు సరిలేరు నీకెవ్వరూ సినిమా షూటింగ్ జెట్ స్పీడు కన్నా వేగంగా సాగుతుంది. దీపావళికి మహేష్ సరిలేరు నీకెవరు నుంచి ఓ స్పెషల్ పోస్టర్ ని విడుదల చెయ్యబోతుంది మూవీ టీం. అనిల్ రావిపూడి చాలా స్పీడు గా మహేష్ తో సినిమాని లాగించేస్తున్నాడు. సరిలేరు నీకెవ్వరూ సినిమాని సంక్రాంతికి కానుకగా హేమా హేమీ సినిమాలపైకి వదులుతున్నారు. పిచ్చ క్రేజ్ ఉన్న త్రివిక్రమ్ – అల్లు అర్జున్ అల వైకుంఠపురములో సినిమా తో పోటీ పడుతున్న మహేష్ అండ్ అనిల్ టీం అలా వైకుంఠపురములో పబ్లిసిటీలకి మించి ఎక్కడా తగ్గకుండా సినిమాని ప్రమోట్ చేస్తూ వస్తున్నారు. ఇక అల నుంచి గట్టి పోటీ నడుస్తున్న తరుణంలో ఆ సినిమా నుంచి బయటికొచ్చిన సామజవరగమనా సాంగ్ పిచ్చ హిట్ కావడం, నిన్నగాక మొన్న వదిలిన మరో సాంగ్ కూడా విజువల్ గా హిట్ కావడంతో అనిల్ అండ్ టీమ్ కాస్త కంగారులో ఉండడమే కాదు సరిలేరు నీకెవ్వరూ సినిమాకి మ్యూజిక్ అందిస్తున్న దేవిశ్రీ ప్రసాద్ పై ఒత్తిడి పెంచుతున్నారట.

కొత్తదనం కోసం…..

దేవిశ్రీ ఇచ్చే ట్యూన్స్ తో అనిల్ రావిపూడి సంతృప్తి పొందలేకపోతున్నాడనే టాక్ నడుస్తుంది. దేవిశ్రీ అందిస్తున్న ట్యూన్స్ అనిల్ రావిపూడికి నచ్చడం లేదని, సినిమా ఆర్మీ బ్యాక్ డ్రాప్ లో తెరకెక్కుతుంది కనక బ్యాక్ గ్రౌండ్ స్కోర్, టైటిల్ సాంగ్ అన్ని కొత్తగా ఉండాలని దేవి శ్రీ మీద అనిల్ రావిపూడి ఒత్తిడి తెస్తున్నట్టుగా ఫిలింనగర్ లో గుసగుసలు వినబడుతున్నాయి. మరి అనిల్ రావిపూడి – దేవిశ్రీ ఇంతకు ముందు కలిసి పనిచేయడమే కాదు మహేష్ బాబు కి దేవిశ్రీ చాలా మంచి హిట్ ఆల్బమ్స్ ఇచ్చాడు. మరి ఎంత హిట్ ఆల్బమ్స్ చేసినా… మ్యూజిక్ విషయంలో కొత్తదనం లేకపోతే కష్టం. అందుకే అనిల్ కూడా దేవి శ్రీ విషయంలో ఇలా పట్టుదలకు పోతున్నాడనే టాక్ మాత్రం ఫిలింసర్కిల్స్ లో స్ప్రెడ్ అయ్యింది.