Highest Paid Indian Actor: సినిమాకు 275 కోట్లు తీసుకునే హీరో ఎవరో తెలుసా?

ఫిల్మీబీట్ నివేదించిన ప్రకారం విజయ్ అత్యధిక పారితోషికం అందుకున్న భారతీయ నటుడిగా చరిత్ర సృష్టించాడు. అతని కొత్త చిత్రం తలపతి 69 కోసం ఏకంగా రూ. 275 కోట్లు తీసుకుంటున్నాడని టాక్. పూర్తిగా రాజకీయాల్లోకి వెళ్ళకముందు చివరి ప్రాజెక్ట్‌ కావడంతో ఈ చిత్రం ప్రత్యేక ప్రాముఖ్యతను సొంతం చేసుకుంది. భారతదేశంలో షారుఖ్ ఖాన్ ఓ ప్రాజెక్ట్ కోసం రూ. 250 కోట్లు తీసుకున్నారని, ఆయనే రెమ్యునరేషన్ లో టాప్ అని చెబుతున్నారు.. ఇప్పుడు షారుఖ్ ఖాన్ రికార్డును అధిగమించాడు విజయ్. భారతీయ సినిమాలో అత్యధిక పారితోషికం తీసుకునే నటుడిగా నిలిచాడు. విజయ్ రాజకీయ జీవితం మొదలు కావడంతో దళపతి 69లో రాజకీయాలే కాకుండా అభిమానులకు కావాల్సిన అన్ని ఎలెమెంట్స్ ఉంటాయని అంటున్నారు.