అన్ సీజన్ అయినా..!

సినిమాలకు మార్చి నెల అన్ సీజన్. మార్చిలో సినిమాలు విడుదల చెయ్యడానికి దర్శకనిర్మాతలు జంకుతారు. స్టూడెంట్స్ మొత్తం ఎగ్జామ్ ఫీవర్ తో ఉంటారు. సినిమాలు చూసే మూడ్ ఉండదు. అందుకే మార్చి ఎండింగ్ వరకు సినిమాల హడావిడి బాక్సాఫీసు వద్ద పెద్దగా కనిపించదు. ఇకపోతే గత శుక్రవారం అన్ సీజన్ ఉన్నా.. కళ్యాణ్ రామ్ తన 118తో ప్రేక్షకుల ముందుకు వచ్చాడు. వరుసగా మూడు రోజులు సెలవులు కావడం, లోబడ్జెట్ తో సినిమా నిర్మితమవడంతో 118 బ్రేక్ ఈవెన్ కి చేరుకోవడానికి రెడీగా ఉంది. నిర్మాత మహేష్ కోనేరుకి ఈ సినిమా ఎంతోకొంత లాభాలు తెచ్చిపెట్టేలా కనబడుతుంది.

మరో వారం కూడా 118దే హవా

అన్ సీజన్ ఉన్నప్పటికీ కంటెంట్ ఉంటే సినిమాలు ఆడతాయని 118 ప్రూవ్ చేసింది. ఇక రేపు శుక్రవారం రెండు మూడు డబ్బింగ్ సినిమాలే బాక్సాఫీసు వద్దకు రాబోతున్నాయి. ఊరూ పేరు లేని ఆ సినిమాలు ప్రేక్షకులను మెప్పించడం అనేది కలే. మరి ఈ వారం కూడా కళ్యాణ్ రామ్ 118 సినిమా తప్ప ప్రేక్షకుడికి మరో ఆప్షన్ లేదు. మరి ఈ రకంగా 118కి కలిసొచ్చేదేననే చెప్పాలి. ఇక 118 కలెక్షన్స్ కి మరో వారం ఢోకా ఉండదు కూడా. ఈ నెల మొత్తం సరైన సినిమా లేక ప్రేక్షకులు బోర్ ఫీల్ అవ్వాల్సిందే.