విశ్వక్ సేన్ కు కరోనా పాజిటివ్ !

ప్రముఖ టాలీవుడ్ యంగ్ హీరోల్లో ఒకరైన విశ్వక్ సేన్ కరోనా బారిన పడ్డాడు. రెండు డోసుల వ్యాక్సిన్ తీసుకున్న తర్వాత కూడా విశ్వక్ సేన్ కు పాజిటివ్ గా నిర్థారణ అవ్వడం గమనార్హం. కోవిడ్ సమయంలో విశ్వక్ తన టీమ్ తో కలిసి ఎంతోమంది బాధితులకు అండగా నిలబడ్డాడు. అలాంటి మంచి వ్యక్తికి కరోనా రావడం బాధాకరమని, త్వరగా అతను కరోనా నుంచి కోలుకోవాలంటూ నెటిజన్లు ప్రార్థిస్తున్నారు.

Also Read : ఓటీటీలో విడుదలకు రెడీ అవుతోన్న "లక్ష్య"

కాగా.. విశ్వక్ సేన్ ఆఫ్ స్క్రీన్ యాటిట్యూడ్ గురించి ప్రత్యేకంగా చెప్పనక్కర్లేదు. తన ఆటిట్యూడ్ గురించి ట్రోల్ చేసేవారు ఓ పక్క అయితే.. ఆ ఆటిట్యూడ్ కి ఫ్యాన్స్ అంతకన్నా ఎక్కువే ఉంటారు. ప్రస్తుతం విశ్వక్ సేన్ తమిళంలో సూపర్ హిట్ అయిన ఓ మై కడవులే చిత్రాన్ని తెలుగులో ఓరి దేవుడా టైటిల్ తో రీమేక్ చేస్తున్నాడు. ఈ సినిమాకు సంబంధించిన మోషన్ పోస్టర్ ఇటీవలే విడుదలయింది. ఈ ఏడాది విడుదలైన పాగల్ సినిమా విశ్వక్ సేన్ కు మంచి హిట్ ను అందించింది.