బన్నీని డామినేట్ చేస్తున్న త్రివిక్రమ్..!

ఏదైనా ప్రాజెక్ట్ లో స్టార్ హీరో ఉన్నాడు అంటే అంతా అతను చెప్పినట్టే జరగాలి, అతని మాటే శాసనం. అతని నిర్ణయాలకు కట్టుబడి ఉండాలి. ఈ సంస్కృతి టాలీవుడ్ లో ఎప్పటినుండో ఉంది. అయితే అల్లు అర్జున్ లాంటి స్టార్ మాట లెక్క చేయడం లేదు ఓ స్టార్ డైరెక్టర్. ప్రస్తుతం బన్నీ.. త్రివిక్రమ్ తో ఓ సినిమా చేయనున్నాడు. ఈ మూవీ విషయంలో బన్నీని త్రివిక్రమ్ డామినేట్ చేసేస్తున్నాడు. ఇక్కడ త్రివిక్రమ్ చెప్పిందే జరగాలట. మ్యూజిక్ డైరెక్టర్ విషయంలో త్రివిక్రమ్ చెప్పిందే జరుగుతుంది. బన్నీ.. దేవిశ్రీ ప్రసాద్ పేరు చెబితే తమన్ తో వెళ్లిపోదాం అని త్రివిక్రమ్ చెప్పాడట.

త్రివిక్రమ్ మాటే ఫైనల్

అందుకు బన్నీని ఒప్పించగలిగాడు కూడా. బన్నీతో తమన్ గతంలో సరైనోడు, రేసుగుర్రం లాంటి సూపర్ హిట్ ఆల్బమ్స్ ఇచ్చాడు కాబట్టి కంప్రమైజ్ అయ్యాడు అని టాక్. ఇక హీరోయిన్ విషయంలో కూడా త్రివిక్రమ్ మాటే చెల్లింది. బన్నీ ఫలానా అని హీరోయిన్ పేరు చెప్పలేదు కానీ పూజా హెగ్డేను రిపీట్ చేయడానికి మాత్రం ఇష్టపడలేదు. ఏవరైనా కొత్త హీరోయిన్ అయితే చూడటానికి బాగుంటుందని కోరాడట. కానీ త్రివిక్రమ్ మాత్రం దాదాపు పూజా హెగ్డేకే ఫిక్స్ అయ్యాడు. అలా ఈ సినిమా మొత్తం త్రివిక్రమే డామినేట్ చేస్తున్నాడు. మర్చి చివరి వారంలో ఈ సినిమా సెట్స్ మీదకు వెళ్లనుంది.