ఆ సినిమాకు కేటీఆర్ ఫిదా..!

కన్నడ హీరో యష్ హీరోగా తెరకెక్కి రికార్డులు కొల్లగొట్టిన కేజీఎఫ్ సినిమా యూత్ లో ఎంత క్రేజ్ తెచ్చుకుందో తెలిసిందే. భారీగా కలెక్షన్సు కొల్లగొట్టడంతో పాటు విమర్శకుల ప్రశంసలు పొందిన ఈ సినిమాకు సెలబ్రిటీలు సైతం ఫిదా అవుతున్నారు. ఎప్పుడూ రాజకీయాలతో బిజీగా ఉండే టీఆర్ఎస్ వర్కింగ్ ప్రసిడెంట్ కేజీఎఫ్ సినిమా చూసి చిత్రబృందాన్ని ప్రశంసలతో ముంచెత్తారు. ఎట్టకేలకు టైం దొరకగా కేజీఎఫ్ సినిమా చూశానని, అద్భుతమైన సినిమా అని, సాంకేతికంగా, కథాపరంగా సినిమా బాగుందని కేటీఆర్ పేర్కొన్నారు. స్క్రీన్ ప్లేపై పట్టుతో ప్రశాంత్ నీల్ బాగా దర్శకత్వం వహించారని, బ్యాగ్రౌండ్ స్కోర్ కూడా చాలా బాగుందన్నారు. రాక్ స్టార్ యష్ నటన, స్క్రీన్ ప్రజెన్స్ బాగుందని కితాబిచ్చారు. ఈ మేరకు కేటీఆర్ ట్వీట్ చేశారు.