హిట్ అయ్యింది.. కానీ పబ్లిసిటీ కరువైంది

బిచ్చగాడు సినిమాతో కోలీవుడ్, టాలీవుడ్ లో పిచ్చ క్రేజ్ సంపాదించిన విజయ్ అంథోని.. మ్యూజిక్ డైరెక్టర్ గానే కాకుండా హీరోగానూ తెగ సినిమాలు చేసేస్తున్నాడు. బిచ్చగాడు క్రేజ్ తో వరస సినిమాలు చేసిన.. బిచ్చగాడంత విజయాన్ని మాత్రం విజయ్ ఇంతవరకు మళ్ళీ నమోదు చెయ్యలేకపోయాడు. కానీ బిచ్చగాడు సినిమా తర్వాత విజయ్ అంథోని తన సినిమాలను పిచ్చ పబ్లిసిటీతో ప్రేక్షకుల ముందుకు తీసుకొచ్చాడు. రోషగాడు, భేతాళుడు లాంటి సినిమాలకు విజయ్ ఇచ్చిన ప్రమోషన్ బిల్డప్ చూసే ఆ సినిమాలను బయ్యర్లు కొన్నారు. కానీ బయ్యర్లు మాత్రం మోసపోయారు.

తాజాగా విజయ్ అంథోని కిల్లర్ సినిమా తో హిట్ కొట్టాడు. కిల్లర్ సినిమా కి ప్రేక్షకులే కాదు క్రిటిక్స్ కూడా మంచి మార్కులేశారు. గత శుక్రవారం విడుదలైన కిల్లర్ సినిమాకి హిట్ టాక్ పడింది కానీ కలెక్షన్స్ నిల్. కారణం సరైన పబ్లిసిటీ లేకపోవడం. గత వారం విడుదలైన చాలా సినిమాలు అట్టర్ ప్లాప్ టాక్ తో రన్ అవుతుంటే.. కిల్లర్ కి హిట్ టాక్ పడింది. కానీ ఉపయోగం ఏముంది. అర్జున్ లాంటి హీరో ఈ సినిమాలో కీలక పాత్ర చేసాడు. మరి బిచ్చగాడు తర్వాత తన సినిమాలేవీ హిట్ కావట్లేదు. అందుకే కిల్లర్ కి ప్రమోషన్స్ చెయ్యడం మానేసినట్టు కనబడింది. సినిమా విడుదలై హిట్ టాక్ పడినా.. ఆ సినిమాని విజయ అంథోని అండ్ టీం ఏ మాత్రం పట్టించుకోవడం లేదు. తెలుగు తెరకు సుపరిచుతుడైన అర్జున్ లాంటి హీరో ఆ సినిమాలో ఉన్నప్పటికీ… విజయ్ అంథోని సరైన ప్రమోషన్స్ ని కిల్లర్ కి ఇవ్వలేదు కనకనే కిల్లర్ సినిమా కిల్లింగ్ అయ్యిందంటున్నారు