విజయ్ ప్లాన్ వర్కౌట్ అయ్యింది

గత ఏడాది గీత గోవిందం హిట్ తర్వాత నోటా ప్లాప్ తగిలింది విజయ దేవరకొండకి. అలాగే టాక్సీవాలా హిట్ అయినా.. ఆ సినిమా బాగా తక్కువ బడ్జెట్ తో స్మాల్ ప్రమోషన్స్ తో అలాగే.. సినిమా లీకవడం వంటి విషయాలతో హిట్ అయినా విజయ్ దేవరకొండకి ఉపయోగం లేకుండా పోయింది. అయితే నోటా సినిమా ప్లాప్ తర్వాత విజయ్ దేవరకొండ తన మైండ్ సెట్ ని మార్చుకున్నాడు. అందుకే అర్జున్ రెడ్డి, గీత గోవిందం లాంటి సినిమాల్తో యూత్ కి ఫ్యామిలీస్ కి బాగా దగ్గరైన విజయ్ యూత్ పల్స్ పట్టుకున్నాడు. ఇక నోటా ప్లాప్ కి ముందే డియర్ కామ్రేడ్ సినిమాని పట్టాలెక్కించిన విజయ్ దేవరకొండ… నోటా ప్లాప్ తో కథలోఅమార్పులు చేర్పులు చేయించాడట.

ఎలాగూ కొత్త దర్శకుడు భరత్ కమ్మ కూడా స్టార్ హీరోలాంటి విజయ్ చెబితే కాదనడు. ఇక విజయ్ క్రేజ్ తో మైత్రి వారు కూడా విజయ్ ఎలా చెబితే అలానే బడ్జెట్ పెట్టారట. ఈ విషయం ఎప్పుడో ప్రచారం జరిగింది. విజయ్ దేవరకొండ డియర్ కామ్రేడ్ సినిమాకి రిపేర్లు చేపిస్తున్నాడని అన్నారు కూడా. తాజాగా డియర్ కామ్రేడ్ టీజర్ విషయంలో కూడా విజయ్ పంతమే నెగ్గిందనే టాక్ వినబడుతుంది. యూత్ కి సినిమా బాగా కనెక్ట్ అవ్వాలంటే… యూత్ కి నచ్చేవిషయాలే టీజర్ లో ఉండాలని విజయ్ చెప్పడంతోనే… డియర్ కామ్రేడ్ ముందుగా కట్ చేసిన టీజర్ ని కూడా పక్కనెట్టి విజయ్ చెప్పినట్టు. యాక్షన్ కం రొమాన్స్ ని మిక్స్ చేసి… కథ క్లారిటీ ఇవ్వకుండా వదిలినట్లుగా తెలుస్తుంది.

మరి విజయ్ దేవరకొండ గెస్ చేసింది కరెక్ట్. యూత్ కి ఒక విషయం ఎక్కింది అంటే… అది ఏ రేంజ్ క్రేజ్ సంపాదిస్తుందో అర్జున్ రెడ్డి సినిమా నిదర్శనం. అందుకే విజయ్ దేవరకొండ యూత్ పల్స్ పట్టుకుని.. యూత్ కి తొందరగా కనెక్ట్ అయ్యేలా తన సినిమాలు ఉండాలనుకుంటున్నాడని ఈ డియర్ కామ్రేడ్ టీజర్ చూస్తే తెలుస్తుంది. ఇక తాజాగా డియర్ కామ్రేడ్ టీజర్ కి వస్తున్న రెస్పాన్స్ తో డియర్ కామ్రేడ్ టీం కూడా ఫుల్ హ్యాపీ. అంటే విజయ్ ప్లాన్ వర్కౌట్ అయ్యిందనేగా..!