హీరోల చుట్టూ కాళ్లరిగేలా తిరుగుతున్నా.. కమిట్మెంట్ లేదు

గీత గోవిందం హిట్ తర్వాత దర్శకుడు పరశురామ్ నెక్స్ట్ సినిమా ఇంకా డిసైడ్ కాలేదు. స్టార్ హీరోలకు కథలు చెప్పి అలసిపోయిన పరశురామ్.. కుర్ర హీరోలను లైన్ లోకి తెచ్చుకోలేకపోతున్నాడు. మహేష్ తో ఎలాగైనా సినిమా చెయ్యాలని చూసిన పరశురామ్ కి మహేష్ ఉండి ఉండీ హ్యాండ్ ఇచ్చాడు. ఇక విజయ్ దేవరకొండ, నాని కూడా పరశురామ్ ని తిప్పుకుని వద్దన్నారు. చివరికి నాగ చైతన్యుతో అయినా సినిమా చేద్దామని బయలుదేరి కథ చెప్పినా.. చైతు దగ్గరనుండి గ్రీన్ సిగ్నల్ పడడం లేదు. చైతు ఏమో.. అజయ్ భూపతి మహాసముద్రానికి ఓకె చెప్పాలా? పరశురామ్ కి ఓకే చెప్పాలా అంటూ కన్ఫ్యూజన్ లో ఉన్నాడు.

ఇక తాజాగా పరశురామ్ ప్రభాస్ కాంపౌండ్ లోకి ప్రవేశించాడట. ఇప్పటికే బన్నివాస్ రికమండేషన్ తో ప్రభాస్ సన్నిహితులైన యువి క్రియేషన్స్ లో ఒకరి కథ చెప్పిన పరశురామ్.. వారి ద్వారా ప్రభాస్ ని కలుసుకునే ఏర్పాట్లు చేసుకున్నాడని టాక్. మరి చైతు ఓకే అంటే చైతు తో.. ప్రభాస్ దగ్గర వర్కౌట్ అయితే పండగే. అనుకుంటూ పరశురామ్ ప్రభాస్ డేట్ కోసం వెయిటింగ్ లో ఉన్నాడని వినికిడి. మరి మహేష్, విజయ్, నాని, చైతు లాగా ప్రభాస్ కూడా కమిట్మెంట్ ఇవ్వకుండా తిప్పుకుంటే పరశురామ్ గతి ఏంగాను. ఒక హిట్ డైరెక్టర్ పరిస్థితి ఈ రేంజ్ ఘోరంగా ఉండడం.. బాధగా ఉంది భయ్యా..!