విజయ్ గట్స్ కి హ్యాట్సాఫ్ చెప్పాల్సిందే!!

విజయ్ సేతుపతి తమిళంలో హీరోగా తనకంటూ ఓ క్రేజ్, ఇమేజ్ ని ఏర్పరుచుకున్నాడు. స్టార్ హీరో కాకపోయినా.. విజయ్ సేతుపతికి అభిమాన గణం తక్కువేం లేదు. రీసెంట్ గా 96 తో విజయ్ సేతుపతి సాలిడ్ హిట్ కొట్టడమే కాదు.. సూపర్ డీలక్స్ తోనూ అద్భుతమైన హిట్ అందుకున్నాడు. ఇక అంజలి సిబిఐ లో నయనతార హస్బెండ్ గా విజయ్ నటన అదుర్స్ అన్న రేంజ్లో ఉంది. ఏ కేరెక్టర్ అయినా అలవోకగా చెయ్యగలిగే విజయ్ సేతుపతి మేకప్ వేసుకోకపోయినా, అలాగే కుర్రాడిగా కనిపించకపోయినా.. అతని నటనకు స్పెషల్ ఆడియన్స్ ఉంటారు. విజయ్ సేతుపతి ఎలాంటి కేరెక్టర్ చేసినా అందులో ఒదిగిపోతాడు. అసలు హీరోగా ఎటువంటి గొప్పలు పోవడం కానీ… బిల్డప్ చూప్పించడం కానీ చెయ్యడు. 96, సూపర్ డీలక్స్ లాంటి సినిమాలు చూసాక విజయ్ సేతుపతికి పర భాష చిత్రాల్లో మంచి డిమాండ్ పెరిగింది.

అందులో భాగంగానే తెలుగులో చిరు నటిస్తున్న సైరా నరసింహా రెడ్డి లో నెగెటివ్ షేడ్స్ ఉన్నపాత్ర చేస్తున్నాడు. ఇక మెగా మేనల్లుడు వైష్ణవ తేజ్ సినిమాలో విజయ్ విలన్ కేరెక్టర్ వేస్తున్నాడని అనుకున్నారు అంతా. కానీ ఫిలింనగర్ టాక్ ప్రకారం విజయ్ వైష్ణవ తేజ్ ఉప్పెన సినిమాలో నడి వయస్సు పాత్ర అంటే… ఆ సినిమాలో హీరోయిన్ తండ్రి పాత్ర పోషిస్తున్నాడనే టాక్ ఉంది చూశారూ… అది చూసాక విజయ్ గట్స్ కి హ్యాట్సాఫ్ చెప్పాల్సిందే అని అనక మానరు. మరి తమిళనాట హీరోగా మంచి హిట్స్ కొడుతున్న టైం లో ఇలా తెలుగులో హీరోయిన్ ఫాదర్ కేరెక్టర్ చేయడమనేది మాములు విషయం కాదు. కాకపోతే విజయ్ గతంలో చేసిన డిఫ్రెంట్ రోల్స్ తో పోలిస్తే విజయ్ కి ఇది పెద్ద సాహసం అని అనిపించకపోవచ్చని అంటున్నారు.