మాకొద్దీ హీరోయిన్!!

టాలీవుడ్ దర్శకులైన, కోలీవుడ్ దర్శకులైన పాన్ ఇండియా మూవీ అంటే.. బాలీవుడ్ నటులను పెట్టేస్తే సినిమాకి క్రేజ్ వచ్చేస్తుంది అనుకుంటారు. అది చాల వరకు వాస్తవమే కానీ.. కొన్నిసార్లు అదే బెడిసికొడుతుంది. భారీ బడ్జెట్ సాహో సినిమాకి బాలీవుడ్ నటులే మైనస్ అయ్యారు. తాజాగా ప్రభాస్ అదే తప్పు చేస్తున్నాడనిపిస్తుంది. ప్రభాస్ రాధేశ్యాం విషయంలో పెద్దగా హడావిడి లేకపోయినా.. ఆదిపురుష్ విషయంలో బాలీవుడ్ హంగామా షురూ అయ్యింది. ఇప్పటికే ప్రభాస్ సరసన కృతి సనన్ నటిస్తుంది అంటున్నారు. మరోపక్క లక్ష్మణుడి పాత్రని సన్నీ సింగ్ చేస్తున్నాడని సోషల్ మీడియాలో టాక్ ఉంది.

సాహో లో సౌత్ కి పరిచయం లేని శ్రద్ద కపూర్ ని హీరోయిన్ గా తీసుకుంటే.. అది బెడిసికొట్టింది. తాజాగా ఒక్క హిట్టు లేని కృతి సనన్ ని ఆదిపురుష్ హీరోయిన్ అంటున్నారు. తెలుగులో కృతి చేసిన సినిమాలన్నీ ప్లాప్. అలాగే బాలీవుడ్ లోను క్రేజ్ లేని హీరోయిన్ ని హీరోయిన్ గా తీసుకుంటే క్రేజ్ కన్నా దండగ యవ్వారం తప్ప మరొకటి ఉండదు. ఇక విలన్ విషయంలోనూ ఓం రౌత్ అదే చేసాడు. సౌత్ కి పరిచయమే లేని సైఫ్ ని విలన్ గా ఎంచుకున్నాడు. అక్షయ్ కుమార్, సంజయ్ దత్, అజయ్ దేవగన్ లాంటి వాళ్ళైతే సౌత్ కి అంతో ఇంతో పరిచయం ఉన్న పేర్లు. సైఫ్ అలీ ఖాన్ అంటే సౌత్ కి క్రేజ్ లేని పేరు. ఇక ఇప్పుడు హీరోయిన్ విషయంలో కూడా ఓం రౌత్ తప్పు చేస్తున్నాడనే టాక్ తో ప్రభాస్ ఫాన్స్ గగ్గోలు పెడుతున్నారు. ఆదిపురుష్ హీరోయిన్ గా కృతి సనన్ ఫిక్స్ అని సోషల్ మీడియాలో ప్రచారం జరుగుతుండగా.. ప్రభాస్ ఫాన్స్ కి కంగారు పుట్టింది. సాహో విషయంలో చేసిన తప్పే ఆదిపురుష్ కి జరుగుతుంది.. హీరోయిన్ కృతి సనన్ మాకొద్దు అంటున్నారు ప్రభాస్ ఫాన్స్.