వైఎస్సార్ ‘యాత్ర’ విశేషాలు
జ‌న‌నేత‌గా తెలుగు వాళ్ల గుండెల్లో ప‌దిల‌మైన చోటు ద‌క్కించుకున్న నాయ‌కుడు, ఉమ్మ‌డి ఆంధ్రప్రదేశ్ ముఖ్య‌మంత్రిగా రాష్ట్ర రాజ‌కీయాల్ని తిర‌గ‌రాసిన డాక్ట‌ర్ రాజ‌శేఖ‌ర్ రెడ్డి జీవిత చరిత్రను యాత్ర పేరుతో సినిమా నిర్మిస్తున్న సంగతి తెలిసిందే. వైఎస్ఆర్ రాజకీయ జీవితంలో పాదయాత్ర కీలక ఘట్టం. ఆ సమయంలో జరిగిన ముఖ్య సంఘటనల సమాహారమే ఈ యాత్ర. మలయాళ సూప‌ర్‌స్టార్ మమ్ముట్టి వైఎస్ఆర్ పాత్రలో నటిస్తున్నారు. ఇప్పటికే విడుదల చేసిన ఫస్ట్ లుక్, టీజర్ తో ఈ విషయం స్పష్టమైంది. మొదటి సింగిల్ సాంగ్ తో యాత్ర స్టోరీ లోని హై ఇంటెన్సిటీ చూపించారు. ఆనందోబ్రహ్మ వంటి సూపర్ హిట్ చిత్రాన్ని అందించిన ద‌ర్శ‌కుడు మ‌హి వి రాఘ‌వ్ ఈ బ‌యెపిక్ ని తెర‌కెక్కిస్తున్నారు. భలే మంచి రోజు, ఆనందో బ్రహ్మ వంటి సూపర్ హిట్ చిత్రాలతో మంచి పేరు సంపాదించుకున్న 70 ఎంఎం ఎంట‌ర్‌టైన్‌మెంట్స్ భారీ వ్య‌యంతో, ప్ర‌తిష్టాత్మ‌కంగా ఈ చిత్రాన్ని నిర్మిస్తోంది. ఈ చిత్రానికి శివ మేక సమర్పకుడు. ఆంధ్ర ప్ర‌దేశ్ ఎన్నికులు స‌మీపిస్తున్న నేపథ్యంలో ఫిబ్రవరి 8న యాత్ర చిత్రాన్ని ప్రపంచవ్యాప్తంగా విడుదల చేసేందుకు సన్నాహాలు చేస్తున్నారు. అలానే తెలుగుతో పాటు త‌మిళం, మ‌ళ‌యాలంలో కూడా యాత్ర చిత్రాన్ని ఫిబ్రవరి 8న రిలీజ్ చేస్తున్నారు.
పాదయాత్ర నేపథ్యంలో...
దివంగ‌త నేత డాక్ట‌ర్ వైయ‌స్ రాజ‌శేఖ‌ర్ రెడ్డి గారు పాద యాత్ర చేశార‌నే విషయం మాత్ర‌మే తెలుగు ప్ర‌జ‌ల‌కి తెలుసు కాని ఆ పాదయాత్ర త‌న రాజకీయ యాత్రలో ఎంత కీల‌క‌మే కొంత‌మందికే తెలుసు. అప్ప‌టి రాజకీయ అనిశ్చితి దృష్ట్యా ఆయ‌న ప్ర‌జ‌ల‌కి ద‌గ్గ‌ర‌గా వెళ్ళి వారి స‌మ‌స్య‌లు తెలుసుకొవ‌టానికి ఈ యాత్ర మెద‌లుపెట్టారు.. కాని ఆ యాత్రలో ఎన్ని విష‌యాలు ఆయ‌న ఎంత ద‌గ్గ‌ర‌గా చూశారో, సాదార‌ణమైన క‌ష్టాలు కూడా తీర్చుకోలేని అతి సామాన్యుల్ని ఎలా క‌లిసారో, పేద‌వారంటే ఎవ‌రొ.. వారు దేనికొసం చూస్తున్నారో ఆయ‌న ప్ర‌త్య‌క్షంగా చూశారు. ఆయ‌న మ‌న‌సు చ‌లించిపోయింది. జ‌నంతో మ‌మేక‌మై వారిలోని భావోద్రేకాన్ని అర్దంచేసుకుని త‌న యాత్ర ని కొన‌సాగించారు. ఈ యాత్ర కొన‌సాగింపు నుంచి ముగింపు వ‌ర‌కూ వున్న ఘ‌ట్టాన్ని తీసుకుని మ‌హి వి రాఘ‌వ అత్యంత సున్నిత‌మైన స‌న్నివేశాల‌తో, ఆద్యంతం భావోద్వేగ సంఘ‌ట‌న‌ల‌తో చిత్రం చూస్తున్నంత సేపు వైయ‌స్ మ‌డ‌మ తిప్ప‌ని వైనం, ఆయ‌నకి పేద‌లంటే ఎంత ప్రాణ‌మో ఈ చిత్రం లో చూపించారు.
