యువ హీరో టేస్ట్ అదుర్స్

జయాపజయాలతో సంబంధం లేకుండా వరుసగా కమర్షియల్ చిత్రాలతో పాటు వినూత్న ప్రయత్నాలు కూడా చేస్తూ కెరీర్ సాగిస్తున్న యువ కథానాయకుడు సందీప్ కిషన్. వెంకటాద్రి ఎక్ష్ప్రెస్స్, బీరువా మినహాయిస్తే చెప్పుకోదగ్గ విజయవంతమైన చిత్రాలు ఏవి సందీప్ కిషన్ కెరీర్లో లేనప్పటికీ గుండెల్లో గోదారి, టైగర్, ఒక్క అమ్మాయి తప్ప వంటి పలు చిత్రాలు సందీప్ కిషన్ ని మార్కెట్ అంచనాలకు విరుద్ధంగా ప్రేక్షకులకు చేరువ చేశాయి. ప్రస్తుతం సందీప్ కిషన్ నటిస్తున్న నక్షత్రం చిత్రం అయితే ప్రేక్షకులతో పాటు పరిశ్రమ వర్గాలకు కూడా మోస్ట్ అవైటెడ్ మూవీ. క్రియేటివ్ డైరెక్టర్ కృష్ణ వంశి తెరకెక్కిస్తున్న కాప్ స్టోరీ కావటం ఇందుకు కారణం.

నక్షత్రం తప్ప మరే ఇతర తెలుగు చిత్రాలు ఇప్పటి వరకు అంగీకరించని సందీప్ కిషన్ ఇప్పుడు సినిమా పరిశ్రమకు సంబంధం లేని వ్యాపారం లోకి అడుగు పెడుతున్నాడు. అక్కినేని నాగార్జున, నితిన్, కోన నీరజ వంటి సినీ ప్రముఖుల బాటలోనే సందీప్ కిషన్ ఫుడ్ బిజినెస్ మొదలు పెట్టబోతున్నాడు. హైద్రాబాద్ నగరంలో జూబ్లీ హిల్స్ ప్రాంతంలో 'వివాహ భోజనంబు' పేరుతో అచ్చ తెలుగు వంటకాలను ప్రజలకు రుచి చూపించబోతున్నాడు. ఇప్పటికే మీడియా ప్రతినిధులకు ట్రయల్ ట్రీట్ ఇవ్వగా అందరికి మాంసాహార భోజనం బాగా నచ్చింది అంట. శాఖాహారంలోనూ అనేక రకాల పధార్ధాలతో కూడిన మెనూ నే వుంది అంట ఈ వివాహ భోజనంబు లో. త్వరలోనే సందీప్ కిషన్ వివాహ భోజనంబు ప్రారంభం కానుంది.