థమన్ కి ప్రశంసలు దక్కుతున్నాయిగాని... అవకాశాలే

టాలీవుడ్ లో, కోలీవుడ్ లో స్టార్ హీరోల సినిమాలకు బెస్ట్ మ్యూజిక్ ఇచ్చి టాప్ మ్యూజిక్ డైరెక్టర్ గా మారిన ఎస్. ఎస్. థమన్ ఈ మధ్యన కాస్త వెనకబడ్డాడు. థమన్ కి స్టార్ హీరోల సినిమా అవకాశాలు ఒక్కసారిగా తగ్గుముఖం పట్టాయి. ఎందుకంటే థమన్ ఇచ్చిన ట్యూన్స్ నే మళ్ళీ మళ్ళీ రిపీట్ చేస్తున్నాడనే కారణంగా థమన్ ని కొంతమంది స్టార్స్ పక్కనపెట్టారు. అయినా అడపాదడపా అవకాశాలు అందుకుంటూ కొంచెం బిజీగానే ఉన్నాడు. అయితే తాజాగా థమన్ ఇద్దరు సీనియర్ హీరోలకు బెస్ట్ బ్యాక్ గ్రౌండ్ స్కోర్ ఇచ్చాడని ప్రసంశలు అందుకుంటున్నాడు.

మెగాస్టార్ చిరంజీవి 151 వ చిత్రం 'సై రా నరసింహారెడ్డి' చిత్ర మోషన్ పోస్టర్ కి మంచి బ్యాగ్రౌండ్ మ్యూజిక్... అదిరిపోయే లెవల్లో థీమ్ మ్యూజిక్ ఇచ్చి అందరిచేత శభాష్ అనిపించుకున్నాడు. మోషన్ పోస్టర్ కి బ్యాగ్రౌండ్ స్కోర్ ఇచ్చా కదా 'సై రా' సినిమాకి కూడా మ్యూజిక్ చేసే అవకాశం ఇస్తారని థమన్ ఆశపడ్డాడట. కానీ 'సై రా' టీమ్ మాత్రం ఏ. ఆర్. రహ్మన్ ని 'సై రా' కి మ్యూజిక్ డైరెక్టర్ గా దింపుతోంది. ఇకపోతే ఇపుడు కూడా తాజాగా నాగార్జున ప్రధాన పాత్రలో ఓం కార్ డైరెక్షన్ లో తెరకెక్కుతున్న 'రాజుగారి గది 2 ' మోషన్ పోస్టర్ కి కూడా అదిరే బ్యాక్ గ్రౌండ్ స్కోర్ అందించాడు.

రాజుగారి గది మోషన్ పోస్టర్ లో థమన్ అందించిన బ్యాక్ గ్రౌండ్ స్కోర్ అదుర్స్ అంటూ పలువురు ప్రశంసిస్తున్నారు. నాగార్జున లుక్ తోపాటు థమన్ అందించిన బ్యాక్ గ్రౌండ్ స్కోర్ కి కూడా ఫుల్ మార్కులే పడుతున్నాయి. మరి 10 రోజుల వ్యవధిలో ఇద్దరు సీనియర్ స్టార్స్ మోషన్ పోస్టర్స్ కి అదిరిపోయే బ్యాక్ గ్రౌండ్ స్కోర్ అందించిన థమన్ కి అవకాశాలు వెల్లువలా వచ్చి పడితే బావుంటుంది. చూద్దాం టాలీవుడ్ లో థమన్ భవితవ్యం ఎలా వుండబోతుందో..!