తన వెంట్రుకలను తానే తినేస్తుందట.. కడుపులో ఎన్ని కేజీలున్నాయంటే?

21 ఏళ్ల మహిళ కడుపు నుండి బరేలీలోని వైద్యులు విజయవంతంగా 2 కిలోగ్రాముల వెంట్రుకలను బయటకు తీశారు. రాపన్‌జెల్ సిండ్రోమ్ అని పిలిచే అరుదైన మానసిక స్థితితో ఆ మహిళ బాధపడుతూ ఉందని అధికారులు తెలిపారు. కర్గైనా నివాసి అయిన మహిళ 16 సంవత్సరాలుగా తన జుట్టును తినేస్తోంది. ఈ పరిస్థితిని వైద్యపరంగా ట్రైకోఫాగియా అని పిలుస్తారు. వెంట్రుకలు ఆమె కడుపు కుహరాన్ని నిండిపోయి, ఆమె ప్రేగులోని భాగాలకు కూడా విస్తరించాయి. అంతేకాకూండా ఆమె ఘన పదార్థాలను కూడా తీసుకోలేని పరిస్థితి ఎదురైంది. ఏదైనా తిన్నా వెంటనే వాంతులు అవుతూ ఉండడంతో ఆమెను ఆసుపత్రికి తరలించారు. CT స్కాన్‌ చేయగా కడుపులో వెంట్రుకలు పేరుకుపోయినట్లు తేలింది.