MS Swaminathan : ఆయనకు ఈ దేశం ఏమిచ్చినా రుణం తీర్చుకోలేముగా

మార్పులు అంటే మామూలువి కావు. ఆయనచేసిన పరిశోధనలతో వ్యవసాయరంగం కొంత పుంతలు తొక్కిందనడంలో ఏమాత్రం సందేహం లేదు. రైతులకు అండగా నిలవడంతో పాటు పేదల ఆకలి తీర్చేలా ఆయన పరిశోధనలు సాగాయి. ఈరోజు దేశంలో పంట పొలాలు ఇలా వర్ధిల్లుతున్నాయంటే స్వామినాధన్ కృషి అనడంలో ఏ మాత్రం అతి శయోక్తి కాదు. స్వామినాధన్ ఎందుకు వ్యవసాయ రంగంపైనే దృష్టి పెట్టారు?ఆయన సమున్నతమైన కెరీర్ ను వదులుకుని మరీ ముందుకొచ్చిన అతిగొప్ప వ్యక్తి ఎంఎస్ స్వామినాధన్.

సాంబశివ స్వామినాధన్ తమిళనాడులోని కుంభకోణంలో 1925లో జన్మించారు. పదిహేనేళ్లవయసులోనే తండ్రిని కోల్పోయి కుటుంబానికి అండగా నిలవాల్సిన సమయంలో ఆయన వైద్య వృత్తిని ఎంచుకున్నారు. తొలుత వైద్య రంగంలో చేరదామని బెంగాల్‌కు వచ్చిన ఆయనకు అక్కడి క్షామం కదలించి వేసింది. మనసును గాయపర్చింది. దీంతో వైద్య వృత్తిని వదులుకుని అగ్రకల్చర్ యూనివర్సిటీలో విద్యార్థిగా చేరారు. దేశంలో ఎవరూ ఆకలితో చనిపోకూడదని భావించిన ఆయన ఆ దిశగానే పరిశోధనలు సాగాయి.

పంటలకు చీడపీడలు పట్టకుండా, పంట దిగుబడులు పెరిగేందుకు వీలుగా ఆయన చేసిన పరిశోధనలు సాగాయి. ఆయన రూపొందించిన వంగడాలు అనేకమంది ఆకలిని తీర్చగలిగాయి. అన్నదాతకు నష్టం కలగని రీతిలో సాగు పద్ధతులను ఆయన కనిపెట్టడంతో పాటు నూతన వంగడాల ఆవిష్కరణలతో యావత్ రైతాంగం ముఖ చిత్రాన్నే మార్చివేశారు. ఆయన చేసిన కృషికి అత్యంత ప్రతిష్టాత్మకమైన రామన్ మెగసేసే అవార్డు కూడా దక్కింది. ఇక పద్మశ్రీ, పద్మభూషణ్, పద్మవిభూషణ్‌లకు తోడుగా ఇప్పుడు భారతరత్న జత అయింది. ఆయన గత ఏడాది సెప్టంబరు నెలలో చెన్నైలో మరణించారు. ఆయనకు అత్యున్నత పురస్కారం దక్కడం యావత్ భారతదేశానికి గర్వకారణం.