ఒకే దేశం-ఒకే ఎన్నిక కమిటీ.. సభ్యులు వీళ్లే..!

దేశ ప్రధానిగా బాధ్యతలు స్వీకరించినప్పటి నుండి మోదీ "ఒక దేశం ఒకే ఎన్నికలు" ని సమర్థిస్తూ వస్తున్నారు. ఏకకాలంలో ఎన్నికలపై చర్చ జరిపి ఏకాభిప్రాయంతో నిర్ణయం తీసుకోవాలని ప్రధాని పలు సందర్భాల్లో సూచించారు. 1967 వరకు, లోక్‌సభ- అసెంబ్లీ ఎన్నికలు ఒకేసారి జరిగేవి, అయితే కొన్ని రాష్ట్రాల్లో రాష్ట్రపతి పాలన విధించిన తర్వాత ఈ విధానం పక్కన పెట్టారు. ఇప్పుడు ఆ విధానాన్నే అమలు పరచాలని కేంద్ర ప్రభుత్వం భావిస్తోంది.కేంద్ర పార్లమెంటరీ వ్యవహారాల మంత్రి ప్రహ్లాద్ జోషి జమిలీ ఎన్నికలపై కీలక వ్యాఖ్యలు చేశారు. ప్రస్తుతం ‘వన్ నేషన్-వన్ ఎలక్షన్’పై ఒక కమిటీని ఏర్పాటు చేశామని, కమిటీ నివేదిక వస్తుంది, దానిపై చర్చ జరుగుతుందని అన్నారు.