Ram mandir: అయోధ్యలో తక్కువ ధరకే రూమ్ లు దొరకాలంటే?

హోమ్‌స్టే పథకం కింద 500 కంటే ఎక్కువ భవనాలు, 2200 గదులు రిజిస్టర్ అయ్యాయి. గదుల అద్దె కూడా కేవలం రూ.1000 నుంచి ప్రారంభమవుతాయి. యాప్ ద్వారా భక్తులు మధ్యవర్తుల చేతిలో మోసపోకుండా వారే స్వయంగా వారికి కావలసిన గదులకు బుక్ చేసుకోవచ్చు. అయోధ్య డెవలప్‌మెంట్ అథారిటీ తీసుకువచ్చిన యాప్ ను ఏడీఏ వెబ్‌సైట్ నుంచి లేదా గూగుల్ ప్లే స్టోర్ ద్వాకా డౌన్‌లోడ్ చేసుకోవచ్చు. ప్రస్తుతం యాప్ ఆండ్రాయిడ్ డివైజ్‌లలో అందుబాటులో ఉంది. బడ్జెట్‌కు తగిన గుదులు సెలక్ట్ చేసుకోవచ్చు. ఇందులో హోమ్‌స్టే ఓనర్ల కాంటాక్ట్ డీటేల్స్ తో పాటు హోమ్‌స్టేల రేటింగ్స్‌, రివ్యూలు, ఫొటోలు, ఫెసిలిటీస్, లొకేషన్ కూడా అందుబాటులో ఉన్నాయి. ఇందులో హోటల్స్‌, లాడ్జ్ లను కాకుండా కేవలం అయోధ్యలోని హోమ్‌స్టేల లిస్ట్స్‌ మాత్రమే చూపిస్తుంది. యూజర్లు డెబిట్ కార్డ్, క్రెడిట్ కార్డ్, నెట్ బ్యాంకింగ్, యూపీఐ, ఈ-వాలెట్‌ల ద్వారా ఆన్‌లైన్ పేమెంట్ చేసుకోవచ్చు.